ആരാധകരോട് കള്ളം പറഞ്ഞ ഇന്ത്യൻ ടെന്നീസ് താരം സാനിയ മിർസക്ക് എട്ടിന്റെ പണി കിട്ടി. ഇന്ത്യൻ ടെന്നീസ് താരം സാനിയ മിർസക്ക് ലഭിച്ചത് എട്ടിന്റെ പണി. സ്മാർട്ട്ഫോണായ വൺ പ്ലസ് ത്രീടിയുമായി ബന്ധപ്പെട്ട ട്വീറ്റാണ് സാനിയക്ക് വിനയായത്. ഈ ഫോണിന്റെ പ്രമോഷന്റെ ഭാഗമായുള്ളതായിരുന്നു സാനിയയുടെ ട്വീറ്റ്.

കഴിഞ്ഞ കുറച്ചു മാസങ്ങളായി താൻ വൺ പ്ലസാണ് ഉപയോഗിക്കുന്നതെന്നും വളരെ ഇഷ്ടപ്പെട്ടുവെന്നുമായിരുന്നു സാനിയയുടെ ട്വീറ്റ്. പക്ഷേ സാനിയ ഈ ട്വീറ്റ് ചെയ്തത് സ്വന്തം ഐ ഫോണിൽ നിന്നായിരുന്നു. ഇത് ട്വീറ്റിന്റെ കൂടെ പ്രത്യക്ഷപ്പെട്ടതോടെ ആരാധകർ ഇന്ത്യൻ താരത്തിനെതിരെ തിരിഞ്ഞു. പെയ്ഡ് ട്വീറ്റുമായി സാനിയ ഈ വഴിക്ക് വരരുതെന്നും ഇത് വളരെ നാണക്കേടുണ്ടാക്കുന്നതാണെന്നും ആരാധകർ റീട്വീറ്റ് ചെയ്തു.