ബോളിവുഡ് സംവിധായകൻ സഞ്ജയ് ലീല ബൻസാലിക്ക് കോവിഡ്; നടി ആലിയ ഭട്ടും ക്വാറന്റൈനിൽ

മുംബൈ: ബോളിവുഡ് സംവിധായകൻ സഞ്ജയ് ലീല ബൻസാലിക്ക് കോവിഡ് സ്ഥിരീകരിച്ചു. നിലവിൽ അദ്ദേഹം സ്വയം നിരീക്ഷണത്തിലാണ്. അദ്ദേഹത്തിന്റെ പുതിയ ചിത്രമായ ഗംഗുബായി കത്തിയാവാഡിയിൽ അഭിനയിക്കുന്ന നടി ആലിയ ഭട്ട് ക്വാറന്റൈനിലാണ്. ഇതോടെ ചിത്രത്തിന്റെ ഷൂട്ടിങ് നിർത്തിവച്ചു. സഞ്ജയുടെ മാതാവ് ലീല ബൻസാലിക്ക് നെഗറ്റീവാണ്. സഞ്ജയ്ക്ക് രോഗം സ്ഥിരീകരിച്ചതിന് പിന്നാലെ അമ്മയ്ക്ക് കോവിഡ് ടെസ്റ്റ് നടത്തിരുന്നു.നേരത്തെ, രോഗം സ്ഥിരീകരിച്ച രൺബീർ കപൂറിനൊപ്പം ആലിയ ഭട്ട് ഒരു പ്രൊമോഷൻ പരിപാടിയിൽ പങ്കെടുത്തിരുന്നു.