ലോക വനിതാ ദിനത്തോട് അനുബന്ധിച്ചു ഖത്തർ സംസ്‌കൃതി സംഘടിപ്പിക്കുന്ന ആഘോഷ പരിപാടികളിൽ കേരള വനിതാ കമ്മീഷൻ അംഗം ഷാഹിദ കമാൽ മുഖ്യാതിഥിയായി പങ്കെടുക്കും.

മാർച്ച് 9നു സ്‌കിൽസ് ഡവലപ്‌മെന്റ് സെന്ററിൽ വൈകുന്നേരം 6 മണിമുതൽ നടക്കുന്ന പരിപാടിയിൽ 'ഇന്ത്യൻ സ്ത്രീകൾ നേരിടുന്ന വെല്ലുവിളികൾ' എന്ന വിഷയത്തിൽ ഷാഹിദ കമാൽ സംസാരിക്കും . തുടർന്ന് സംസ്‌കൃതി വനിതാ വേദി പ്രവർത്തകർ ഒരുക്കുന്ന സംഗീത ശില്പം 'ജ്വാല' , രംഗാവിഷ്‌കാരം 'സാവിത്രി' എന്നിവ അരങ്ങേറും.