ദോഹ: സംസ്‌കൃതി മിസ്സൈദ് യൂണിറ്റ് സംഘടിപ്പിച്ച ''പാട്ടരങ്ങ്'' സംഗീതാസ്വാദകർക്ക് നവ്യാനുഭവമായി. ഖത്തറിലെ ഇരുപത്തിയഞ്ചോളം ഗായകർ മലയാള ചലച്ചിത്ര ഗാനങ്ങൾ കോർത്തിണക്കിക്കൊണ്ട് നടന്ന പരിപാടിയിൽ പങ്കെടുത്തു.

സ്‌കിൽസ് ഡവലപ്‌മെന്റ് സെന്ററിലെ തിങ്ങി നിറഞ്ഞ സദസ്സിൽ സംസ്‌കൃതി പ്രസിഡന്റ് എ കെ ജലീൽ പാട്ടരങ്ങ് ഉദ്ഘാടനം ചെയ്തു. മിസ്സൈദ് യൂണിറ്റ് പ്രസിഡന്റ് ബിജു പി മംഗലം, സിക്രട്ടറി എ പി കെ പ്രഭാകരൻ തുടങ്ങിയവർ നേതൃത്വം നല്കി.