ചലച്ചിത്ര താരം ശ്രീദേവിയുടെ ആകസ്മിക നിര്യാണത്തിൽ ഖത്തർ സംസ്‌കൃതി അനുശോചനം രേഖപ്പെടുത്തി.ബാലതാരമായി വന്നു ഇന്ത്യൻ സിനിമയുടെ മുഖശ്രീയായി മാറിയ കലാകാരിയായിരുന്നു ശ്രീദേവി, മുന്നൂറോളം സിനിമകളിൽ വേഷമിട്ട അവർ നിരവധി ഭാഷകൾ കീഴടക്കി വനിതാ സൂപ്പർ സ്റ്റാർ ആയി മാറിയത് ചുരുങ്ങിയ കാലയളവിൽ ആയിരുന്നു.

പത്മ ശ്രീ ഉൾപ്പടെ നിരവധി പുരസ്‌കാരങ്ങൾ നൽകി രാജ്യം ആദരിച്ച പ്രിയ നടി ചലച്ചിത്ര പ്രേമികളുടെ മനസ്സിൽ ഒരു പിടി അഭിനയ മുഹൂർത്തങ്ങൾ ബാക്കിയാക്കിയാണ് വിട വാങ്ങിയതെന്ന് സംസ്‌കൃതി പ്രസിഡണ്ട് എ സുനിൽ, ജനറൽ സെക്രട്ടറി വിജയകുമാർ എന്നിവർ അനുശോചന കുറിപ്പിൽ പറഞ്ഞു .