ലോസ്ആഞ്ചലസ്: സാന്റാ അന്ന സെന്റ് തോമസ് സീറോ മലബാർ കാത്തലിക് ഫൊറോനാ പള്ളിയുടെ ആഭിമുഖ്യത്തിൽ വാർഷിക പിക്‌നിക്ക് ആഘോഷിച്ചു. ഫൗണ്ടൻവാലി സിറ്റിയിലുള്ള 'മൈൽ സ്‌ക്വയർ പാർക്കിൽ' നടത്തിയ പിക്‌നിക്കൽ ഇടവകാംഗങ്ങൾ കുടുംബ സമേതം പങ്കെടുത്തു.

ഫൊറോനാ വികാരി ഫാ. ഇമ്മാനുവേൽ മടുക്കക്കുഴി, കൈക്കാരന്മാരായ ബിജു ആലുംമൂട്ടിൽ, ബൈജു വിതയത്തിൽ എന്നിവർ പിക്‌നിക്കിനു നേതൃത്വം നൽകി.

കുട്ടികൾക്കും മുതിർന്നവർക്കുമായി വോളിബോൾ, ബാസ്‌കറ്റ് ബോൾ, കസേരകളി, ബലൂൺകളി, ചാക്കിൽഓട്ടം തുടങ്ങി വിവിധ ഇനം മത്സരങ്ങളുണ്ടായിരുന്നു. കായിക മത്സരങ്ങൾക്കു മേൽനോട്ടം വഹിച്ചത് ജിമ്മി കീഴാരവും  കുഞ്ഞുമോനുമാണ്. മത്സരങ്ങളിൽ വിജയിച്ചവർക്കുള്ള ട്രോഫികളും സമ്മാനങ്ങളും ഫാ. ഇമ്മാനുവേൽ മടുക്കക്കുഴി വിതരണം ചെയ്തു.



വിവിധതരത്തിലുള്ള ബാർബിക്യൂ ഭക്ഷണത്തോടൊപ്പം സസ്യേതര ഭക്ഷണങ്ങളും തയാറാക്കിയത് ബിജു ജോർജ്, മാത്യു കൊച്ചുപുരയ്ക്കൽ, ടോമി പുല്ലാപ്പള്ളി, ജോസുകുട്ടി പാമ്പാടി എന്നിവരുടെ നേതൃത്വത്തിലാണ്.

തടാകത്തിലൂടെയുള്ള ബോട്ട് യാത്രയും പാർക്കിലെ സൈക്കിൾ സവാരിയും മറക്കാനാവാത്ത അനുഭവങ്ങളായിരുന്നു. രാജു അബ്രഹാം, മാത്യു തോമസ് (കുഞ്ഞുമോൻ), ജോസഫ് ചാക്കോ, സിബി ജോസഫ്, സ്‌പൈസ് ഏഷ്യ, ബെന്നി പീറ്റർ എന്നിവർ പിക്‌നിക്കിന്റെ സ്‌പോൺസർമാരായിരുന്നു. ജോർജുകുട്ടി പുല്ലാപ്പള്ളിൽ അറിയിച്ചതാണിത്.