പഞ്ചാബിനെ എതിരില്ലാത്ത ഒരു ഗോളിന് കീഴടക്കി; സന്തോഷ് ട്രോഫിയിൽ ജയത്തോടെ തുടക്കമിട്ട് ബംഗാൾ

മലപ്പുറം: കേരളം ആതിഥേയത്വം വഹിക്കുന്ന സന്തോഷ് ട്രോഫി ഫുട്ബോൾ മത്സരത്തിൽ ജയത്തോടെ തുടക്കമിട്ട് പശ്ചിമ ബംഗാൾ. ആദ്യ മത്സരത്തിൽ എതിരില്ലാത്ത ഒരു ഗോളിനാണ് പഞ്ചാബിനെ പരാജയപ്പെടുത്തിയത്. രാത്രി എട്ട് മണിക്ക് നടക്കുന്ന മത്സരത്തിൽ കേരളം- രാജസ്ഥാനെ നേരിടും. മഞ്ചേരി പയ്യനാട് സ്റ്റേഡിയത്തിലാണ് മത്സരം.

ആദ്യ പകുതിയിൽ ബംഗാളിന്റെ മികച്ച മുന്നേറ്റങ്ങൾക്ക് മലപ്പുറം കോട്ടപടി സ്റ്റേഡിയം സാക്ഷ്യം വഹിച്ചു. ആദ്യ പകുതിയിൽ ഇരു ടീമുകൾക്കും ഗോളൊന്നും നേടാൻ സാധിച്ചില്ല.19, 24 മിനിറ്റുകളിൽ ബംഗാൾ മികച്ച അവസരങ്ങൾ നഷ്ടപ്പെടുത്തി.

44-ാം മിനിറ്റിൽ ഗോളെന്നുറപ്പിച്ച അവസരം പഞ്ചാബിന്റെ തരുൺ സ്ലാത്തിയയും നഷ്ടപെടുത്തി. 60-ാംമിനിറ്റിൽ മിനുട്ടിൽ ജയ് ബാസിന്റെ അസിസ്റ്റിൽ ശുഭം ഭൗമിക്കാണ് ബംഗാളിന്റെ വിജയഗോൾ നേടിയത്.