സ്റ്റീവനേജ്: സ്റ്റീവനേജിലെ മലയാളികളുടെ സാമൂഹ്യ സാംസ്‌കാരിക സംഘടനയായ 'സർഗം' സംഘടിപ്പിക്കുന്ന ക്രിസ്മസ് ന്യൂഇയർ ആഘോഷം ജനുവരി ഏഴിന് (ശനി) ആഘോഷിക്കുന്നു. രാവിലെ 10ന് സ്റ്റീവനേജിലെ ബാർക്ലെ സ്‌കൂൾ ഓഡിറ്റോറിയത്തിലാണ് ആഘോഷ പരിപാടികൾ.

ഉണ്ണിയേശുവിന്റെ തിരുപ്പിറവിയുടെ അനുസ്മരണവും ഒരു വർഷക്കാലം ലഭിച്ച അനുഗ്രഹങ്ങൾക്ക് നന്ദി അർപ്പിക്കാനും 2016 നോട് വിടപറയുന്നതിനും 2017 വർഷം കൂടുതൽ അനുഗ്രഹദായകമാകുന്നതിനുള്ള പ്രാർത്ഥനയോടെ പുതു വർഷത്തെ വരവേൽക്കുന്നതിനും സർഗം ആഘോഷം വേദിയാകും.

സർഗം കുടുംബാംഗങ്ങൾക്കായി കപ്പിൾ ഡാൻസ്, വിഭവ സമൃദ്ധമായ ക്രിസ്മസ് ഡിന്നർ, കലാ വിരുന്ന് എന്നിവയും നടക്കും.

പ്രസിഡന്റ് ജോണി കല്ലടാന്തിയിൽ, സെക്രട്ടറി റിച്ചി മാത്യു, ട്രഷറർ തോമസ് അഗസ്റ്റിൻ, സർഗം എക്‌സിക്യൂട്ടീവ് കമ്മിറ്റി അംഗങ്ങൾ എന്നിവരുടെ നേതൃത്വത്തിൽ പ്രവർത്തനങ്ങൾ നടന്നുവരുന്നു.