ഡബ്‌ളിൻ: അയർലണ്ടിലെ മലയാളി ഹിന്ദു കൂട്ടായ്മയായ സത്ഗമയ സദ്‌സംഘത്തിന്റെ ആഭിമുഖ്യത്തിൽ വിപുലമായ പരിപാടികളോടെ ഓണം ആഘോഷിച്ചു. ഡബ്ലിൻ റാട്ടോത്ത് റോഡിലുള്ള അയർലണ്ട് ഡഫ് വില്ലേജിൽ വച്ച് കേരളത്തനിമയിൽ നടന്ന ആഘോഷപരിപാടികൾ  മുതിർന്ന അംഗങ്ങളായ സുദർശനനും,സുധയും ചേർന്ന് ഭദ്രദീപം കൊളുത്തി ഉത്ഘാടനം ചെയ്തു.

അജയന്റെ ഓണസന്ദേശത്തെ തുടർന്ന്  ഭരതനാട്യം,സിനിമാറ്റിക് ഡാൻസ്, മാവേലിയെ ആനയിക്കൽ,തിരുവാതിര, ഓണസദ്യ, കുട്ടികളുടെ വിവിധ കലാപരിപാടികൾ എന്നിവയും ബാലവിഹാർ കുട്ടികൾക്കുള്ള സർട്ടിഫിക്കറ്റ് വിതരണവും ലീവിങ് സർട്ട് പരീക്ഷയിൽ ഉന്നതവിജയം കരസ്ഥമാക്കിയ ആദിത്യ കൃഷ്ണനെ പ്രത്യേകം അനുമോദിക്കുകയും ചെയ്തു.