ന്യുഡൽഹി: റിയോയിൽ വെങ്കലം നേടി ഇന്ത്യയുടെ അഭിമാനമായി മാറിയ സാക്ഷി മാലിക്കിന്റെ വരന്റെ ചിത്രം പുറത്ത്. സത്യവർത് കാദിയൻ എന്ന ഗുസ്തിതാരമാണ് സാക്ഷിയുടെ മനം കവർന്നത്.

റോത്തക്കിൽ നിന്ന് തന്നെയുള്ള ഗുസ്തി താരമാണ് സത്യവർത്. സാക്ഷി റിയോയിലേക്ക് പോകുന്നതിന് മുൻപ് തന്നെ വിവാഹം തീരുമാനിച്ചിരുന്നതായി സഹോദരൻ സച്ചിൻ പറഞ്ഞു. സത്യവർതിന്റെ പിതാവ് റോത്തക്കിൽ ഗുസ്തി പരിശീലന കേന്ദ്രം നടത്തുകയാണ്. ഉടൻ വിവാഹം നടക്കുമെന്ന് സത്യവർതിന്റെ പിതാവും സ്ഥിരീകരിച്ചു.

97 കിലോഗ്രാം വിഭാഗം ഗുസ്തി താരമാണ് സത്യവർത്. കോമൺവെൽത്ത് ഗെയിംസിൽ വെള്ളി മെഡലും ഏഷ്യൻ ഗെയിംസിൽ വെങ്കല മെഡലും നേടിയിട്ടുണ്ട്.