സൗദി അറേബ്യയിൽ ഇന്ന് കോവിഡ് സ്ഥിരീകരിച്ചത് 220 പേർക്ക്; രാജ്യത്തെ കോവിഡ് ബാധിതരുടെ എണ്ണം 3,56,911 ആയി

റിയാദ്: സൗദി അറേബ്യയിൽ ഇന്ന് കോവിഡ് സ്ഥിരീകരിച്ചത് 220 പേർക്ക്. ഇതോടെ രാജ്യത്തെ കോവിഡ് ബാധിതരുടെ എണ്ണം 3,56,911 ആയി. ഇന്ന് 401 പേർ കൂടി കോവിഡ് മുക്തരായതോടെ രോഗമുക്തരുടെ ആകെ എണ്ണം 3,46,023 ആയി ഉയർന്നു. 13 കോവിഡ് മരണങ്ങളാണ് ഇന്ന് റിപ്പോർട്ട് ചെയ്തത്. ആകെ മരണസംഖ്യ 5870 ആണ്.

ചികിത്സയിലുള്ള കോവിഡ് ബാധിതരുടെ എണ്ണം 5018 ആയി കുറഞ്ഞു. ഇതിൽ 675 പേർ മാത്രമാണ് ഗുരുതരാവസ്ഥയിലുള്ളത്. ഇവർ തീവ്രപരിചരണ വിഭാഗത്തിലാണ്. രാജ്യത്തെ കോവിഡ് മുക്തി നിരക്ക് 96.7 ശതമാനമായി. മരണനിരക്ക് 1.6 ശതമാനമായി തുടരുന്നു.