ദമ്മാം: 2015ൽ അന്തരിച്ച സൗദി അറേബ്യയിലെ പ്രമുഖ ജീവകാരുണ്യ പ്രവർത്തകയും, നവയുഗം സാംസ്‌കാരികവേദി വൈസ് പ്രസിഡന്റ്മായിരുന്ന ശ്രീമതി സഫിയ അജിത്തിന്റെ സ്മരണാർത്ഥം നവയുഗം സാംസ്കാരികവേദി നടത്തിവരുന്ന സഫിയ അജിത്ത് മെമോറിയൽ (SAM) വോളിബോൾ ടൂർണമെന്റിന്റെ അഞ്ചാം പതിപ്പിന് ഫെബ്രുവരി 22 ന് ദമ്മാമിൽ തുടക്കമാകും.

നവയുഗം കേന്ദ്ര കായികവേദിയുടെ നേതൃത്വത്തിൽ സംഘടിപ്പിക്കുന്ന സഫിയ അജിത്ത് മെമോറിയൽ വോളിബോൾ ടൂർണമെന്റ് ഫെബ്രുവരി 22, 23 തീയതികളിലായി ദമ്മാം അൽസുഹൈമി ഫ്‌ളൈഡ് ലൈറ്റ് (കാസ്‌ക് ഗ്രൗണ്ട് ) ഗ്രൗണ്ടിൽ അരങ്ങേറും.

സൗദി അറേബ്യയിലെ പ്രമുഖ ടീമുകൾ മാറ്റുരക്കുന്ന ടൂർണ്ണമെന്റിലെ പ്രാഥമിക മത്സരങ്ങൾ ഫെബ്രുവരി 22 നും, സെമിഫൈനൽ, ഫൈനൽ മത്സരങ്ങൾ ഫെബ്രുവരി 23 നും ആണ് അരങ്ങേറുക.

എല്ലാ പ്രവാസി കായികപ്രേമികളെയും വോളിബോൾ മത്സരങ്ങൾ വീക്ഷിക്കാൻ ടൂര്ണമെന്റിലേയ്ക്ക് സ്വാഗതം ചെയ്യുന്നതായി നവയുഗം കായികവേദി കേന്ദ്രകമ്മിറ്റി ഭാരവാഹികൾ അറിയിച്ചു.