ഇന്ത്യൻ കൾച്ചറൽ ഫൗണ്ടേഷൻ (ICF) റിയാദ് സെൻട്രൽ ഘടകത്തിന് കീഴിൽ ഉമ്മുൽ ഹമാമിൽ ബദ്ർ അനുസ്മരണവും വിപുലമായ ഇഫ്താറും നടന്നു. നൂറു കണക്കിന് ആളുകൾ പങ്കെടുത്ത ഇഫ്താർ ഗംഭീരമായി.

ആദർശ സംരക്ഷണത്തിനായി വിശ്വാസത്തിലൂന്നി ധർമ്മ സമരം നടത്തിയ ബദർ പോരാളികൾ എന്നും ഇസ്ലാമിക സമൂഹത്തിന് പ്രചോദനമാണെന്ന് ശാഹിദ് അഹ്സനി അഭിപ്രായപ്പെട്ടു.

ഐ സി എഫ് റിയാദ് നേതാക്കൾ സംബന്ധിച്ച പരിപാടിയിൽ വിവിധ മേഖലകളിൽ നിന്നായി നൂറിലധികം ആളുകൾ ഇഫ്താറിന് സംഗമിച്ചു. ഹസൻ ബാഖവി പല്ലാർ, അശ്റഫ് ഓച്ചിറ, ഇബ് റാഹിം മാസ്റ്റർ, സുഹൈർ എന്നിവർ സംസാരിച്ചു.