റിയാദ്: പൊന്മള പഞ്ചായത്ത് കെഎംസിസി പ്രവർത്തക സംഗമവും ഇഫ്താർ മീറ്റും സംഘടിപ്പിച്ചു. മലാസ് അൽ മാസ് റസ്റ്റോറന്റ് ഓഡിറ്റോറിയത്തിൽ വെച്ച് നടന്ന സംഗമത്തിൽ കുടുംബിനികളും കുട്ടികളുമടക്കം നിരവധി പേർ പങ്കെടുത്തു. റിയാദ് - മലപ്പുറം ജില്ല കെഎംസിസി വൈസ് പ്രസിഡന്റ് മൊയ്ദീൻ കുട്ടി പൊന്മള പരിപാടി ഉദ്ഘാടനം ചെയ്തു. കോട്ടക്കൽ മണ്ഡലം കെഎംസിസി പ്രസിഡന്റ് ബഷീർ മുല്ലപ്പള്ളി അധ്യക്ഷത വഹിച്ചു.

ശുഐബ് മന്നാനി വളാഞ്ചേരി റമദാൻ സന്ദേശം നൽകി. അനുഗ്രഹീതമായ റമദാനിന്റെ രാത്രിയിൽ പ്രാർത്ഥിച്ചും ഖുർആൻ പാരായണം നടത്തിയും ജീവ കാരുണ്യ പ്രവർത്തനങ്ങൾ നടത്തിയും പരമാവധി പുണ്യങ്ങൾ നേടിയെടുക്കാൻ പരിശ്രമിക്കണമെന്ന് അദ്ദേഹം ഉദ്‌ബോധിപ്പിച്ചു. പാവപ്പെട്ട രോഗികളെ സഹായിക്കുന്നതിന് വേണ്ടി കെഎംസിസി നടത്തുന്ന സി. എച്ച് സെന്റർ ഫണ്ട് ശേഖരണം വിജയിപ്പിക്കണമെന്ന് അദ്ദേഹം ആവശ്യപ്പെട്ടു.

മൊയ്ദീൻ കുട്ടി പൂവ്വാട് സ്വാഗതവും അബ്ദുൽ ഗഫൂർ ആക്കപ്പറമ്പ് നന്ദിയും പറഞ്ഞു. പരിപാടിയിൽ വെച്ച് പുതിയ പഞ്ചായത്ത് കെഎംസിസി കമ്മിറ്റി ഭാരവാഹികളെ തെരഞ്ഞെടുത്തു.

പുതിയ ഭാരവാഹികൾ:
മൊയ്ദീൻ കുട്ടി പൂവ്വാട് (പ്രസിഡന്റ്), ദിലൈബ് ചാപ്പനങ്ങാടി ( ജനറൽ സെക്രട്ടറി), അബ്ദുൽ ഗഫൂർ ആക്കപ്പറമ്പ് ( ട്രഷറർ)
വൈസ് പ്രസിഡന്റുമാർ: യൂസുഫ് പള്ളിക്കര, ഇസ്മായിൽ കാമ്പ്രത്ത്, ജാഫർ ആനി, മജീദ് ബാവ
ജോ. സെക്രട്ടറിമാർ: ഹുസൈൻ പാല, ഫാറൂഖ് പൊന്മള, കെ. സി നസീർ