ദമ്മാം : നവയുഗം വായനവേദി യുടെ ആഭിമുഖ്യത്തിൽ പ്രവാസി സാഹിത്യകാരനും, നവയുഗം സാംസ്കാരിക വേദിയുടെ മാധ്യമ വിഭാഗം തലവനുമായ ശ്രീ. ബെൻസി മോഹന്റെ 'ശംബുകൻ' (കവിത സമാഹാരം), ഉണ്ണികുട്ടനും പച്ചമനുഷ്യനും (കുട്ടികളുടെ നോവൽ) എന്നീ രണ്ടു പുസ്തകങ്ങൾ സൗദി അറേബ്യയിൽ ദമ്മാമിൽ വെച്ച് സെപ്റ്റംബർ 02 വെള്ളിയാഴ്ച വൈകിട്ട് 5.00 മണിക്ക് പ്രകാശനം ചെയ്യുന്നു.

കൂടാതെ മൊബൈൽ ഉപയോഗങ്ങളുടെ ആധിക്യത്തിൽ വായന നഷ്ടപെട്ട ഈ പ്രവാസലോകത്ത് പ്രസക്തമായ 'പ്രവാസികളുടെ വായന - പരിമിതികളും സാധ്യതകളും' എന്ന വിഷയത്തിൽ പ്രമുഖരായ പ്രവാസി സാഹിത്യകാരന്മാരെ പങ്കെടുപ്പിച്ചു ഒരു സെമിനാറും സംഘടിപ്പിക്കുന്നുണ്ട്.

ദമ്മാം അൽ അബീർ മെഡിക്കൽ സെന്ററിൽ നടക്കുന്ന ഈ പുസ്തക പ്രകാശനത്തിലും, തുടർന്ന് നടക്കുന്ന'പ്രവാസികളുടെ വായന - പരിമിതികളും സാധ്യതകളും' എന്ന വായനകളെ തിരിച്ചു കൊണ്ടുവരുന്നതിനുതകുന്ന കാലിക പ്രസക്തമായ ഈ സെമിനാറിലേക്കും
എല്ലാവരെയും ക്ഷണിച്ചുകൊള്ളുന്നതായി വായനാവേദി ഭാരവാഹികൾ അറിയിച്ചു .