ജിദ്ദ: രണ്ടു പതിറ്റാണ്ട് കാലത്തെ പ്രവാസം അവസാനിപ്പിച്ച് നാട്ടിലേക്ക് മടങ്ങുന്ന മൂർക്കനാട് പഞ്ചായത്ത് ഗ്ലോബൽ കെ എം സി സി ജനറൽ സെക്രട്ടറി തേക്കത്ത് അലിക്ക് ജിദ്ദ - മൂർക്കനാട് പഞ്ചായത്ത് കെ എം സി സി യാത്രയയപ്പ് നൽകി. ബാഗ്ദാദിയ്യ ഇമ്പീരിയൽ റെസ്റ്റോറന്റ് ഓഡിറ്റോറിയത്തിൽ വെച്ച് നടന്ന പരിപാടി ജിദ്ദ കെഎംസിസി സെൻട്രൽ കമ്മിറ്റി സെക്രട്ടറി നാസർ മച്ചിങ്ങൽ ഉദ്ഘാടനം ചെയ്തു. മൂർക്കനാട് പഞ്ചായത്ത് കെഎംസിസി പ്രസിഡന്റ് വി. പി കരീം അധ്യക്ഷത വഹിച്ചു.
മൂർക്കനാട് പഞ്ചായത്ത് ഗ്ലോബൽ കെ എം സി സി പ്രസിഡന്റ് സമദ് മൂർക്കനാട് അലി തേക്കത്തിനു മെമെന്റോ സമ്മാനിച്ചു. മങ്കട മണ്ഡലം കെ എം സി സി ജനറൽ സെക്രട്ടറി ഇ. സി അഷ്റഫ് , ട്രഷറർ വി. ടി മുസ്തഫ , മണ്ഡലം കെ എം സി സി ഭാരവാഹികളായ മജീദ് മങ്കട, ഉണ്ണീൻ പുലാക്കൽ, കരീം പടിക്കമണ്ണിൽ, റഷീദ് പനങ്ങാങ്ങര, നജീബ് കൂരിയാട്ടിൽ, സലീം സദാഫ്കോ, മജീദ് അങ്ങാടിപ്പുറം, അഷ്റഫ് സ്മാർട്ട്, മുനീർ മണലായ തുടങ്ങിയവർ യാത്ര മംഗളം നേർന്നു സംസാരിച്ചു. പ്രവാസികളുമായി ബന്ധപ്പെട്ട വിഷയങ്ങൾക്ക് മുൻതൂക്കം നൽകിയുള്ള രാഷ്ട്രീയ പ്രവർത്തനമാണ് തുടർന്നും താനുദ്ദേശിക്കുന്നതെന്ന് മറുപടി പ്രസംഗത്തിൽ അലി തേക്കത്ത് പറഞ്ഞു.
മൂർക്കനാട് പഞ്ചായത്ത് കെഎംസിസി ജെനറൽ സെക്രട്ടറി ഫിറോസ് താഴേരി സ്വാഗതവും ട്രഷറർ സുബൈർ മണി നന്ദിയും രേഖപ്പെടുത്തി
പ്രവാസം അവസാനിപ്പിച്ച് നാട്ടിൽ പോകുന്ന അലി തേക്കത്തിന് ജിദ്ദ - മൂർക്കനാട് പഞ്ചായത്ത് കെഎംസിസി വക യാത്രയയപ്പ്
