ജിദ്ദ: പ്രവാസ ലോകത്ത് സാമൂഹിക ശാക്തീകരണത്തിൽ കുട്ടികൾ, കുടുംബിനികൾ എന്നിവരുടെ പങ്ക് ഉപയോഗപ്പെടുത്തുകയും പ്രവാസ ലോകത്ത് ഈ വിഭാഗത്തിന് കൂടുതൽ നവോന്മേഷം നൽകുകയും ചെയ്യുന്നതിനായി ജിദ്ദ - മലപ്പുറം ജില്ല കെ.എം.സി.സിയുടെ ആഭിമുഖ്യത്തിൽ 'നിറവ് 2022' ഏക ദിന ക്യാമ്പ് സംഘടിപ്പിക്കുന്നു.

നവംബർ 11 വെള്ളിയാഴ്ച ഉച്ചക്ക് ശേഷം 2:30 മുതൽ 10:30 വരെ ശറഫിയ്യ തലാൽ സ്‌കൂളിന് സമീപമുള്ള കറം ജിദ്ദ ഹോട്ടൽ ഓഡിറ്റോറിയത്തിൽ വച്ചാണ് പരിപാടി. ഇൻസ്പിരേഷനൽ സ്പീച്ച് ഫോർ ഫാമിലി, ഹെൽത്ത് അവയർനെസ് പ്രോഗ്രം, കുട്ടികൾക്കായുള്ള മത്സരങ്ങൾ, വിവിധ കലാ പ്രകടനങ്ങൾ തുടങ്ങി വൈവിധ്യമാർന്ന ഒട്ടേറെ പരിപാടികൾ ഉൾപ്പെടുന്നതാണ് നിറവ്- 2022 എന്ന് ഭാരവാഹികൾ അറിയിച്ചു. പരിപാടിയെപ്പറ്റി കൂടുതൽ അറിയാനും രജിസ്റ്റർ ചെയ്യാനും www.jillakmcc.in/nirav എന്ന വെബ് സൈറ്റ് സന്ദർശിക്കണമെന്ന് മലപ്പുറം ജില്ല കെഎംസിസി ആക്ടിങ് പ്രസിഡന്റ് സീതി കോളക്കാടൻ, ജനറൽ സെക്രട്ടറി ഹബീബ് കല്ലൻ എന്നിവർ ആഭ്യർത്ഥിച്ചു. കൂടുതൽ വിവരങ്ങൾക്ക് ബന്ധപ്പെടുക : 0504316347/ 0505947719