ജിദ്ദ: റഹ്മാനിയ ജിദ്ദ കമ്മിറ്റിയുടെ ആഭിമുഖ്യത്തിൽ കടമേരി റഹ്മാനിയ അറബിക്കോളേജിന്റെ ഗോൾഡൻ ജൂബിലി പ്രചാരണ സംഗമം നടത്തി. ഷറഫിയ്യ എസ് ഐ സി ഓഡിറ്റോറിയത്തിൽ വെച്ച് നടന്ന പരിപാടി സമസ്ത ഇസ്ലാമിക് സെന്റർ സഊദി നാഷണൽ കമ്മിറ്റി പ്രസിഡന്റ് സയ്യിദ് ഉബൈദുല്ല തങ്ങൾ ഐദറൂസി മേലാറ്റൂർ ഉദ്ഘാടനം ചെയ്തു. മത - ഭൗതിക വിദ്യാഭ്യാസം നൽകി ധാർമിക ബോധമുള്ള തലമുറയെ വാർത്തെടുക്കുന്നതിൽ റഹ്മാനിയ കോളേജിന്റെ സംഭാവന മഹത്തരമാണെന്ന് അദ്ദേഹം പറഞ്ഞു. പരിപാടിയിൽ സിദ്ധീഖ് ഹാജി അധ്യക്ഷത വഹിച്ചു. ആസിഫ് ദാരിമി പുളിക്കൽ കോട്ടുമല ബാപ്പു മുസ്ലിയാർ അനുസ്മരണ പ്രഭാഷണം നടത്തി.

ഒ. കെ മൗലവി, ഇസ്മായീൽ അരിമ്പ്ര, സയ്യിദ് അൻവർ തങ്ങൾ, അബൂബക്കർ ദാരിമി ആലമ്പാടി, മുജീബ് റഹ്മാനി മൊറയൂർ, ഉസ്മാൻ എടത്തിൽ, അഹ്മദ് റഹ്മാനി, മുസ്തഫ ഫൈസി ചേറൂർ, സുബൈർ ഹുദവി പട്ടാമ്പി, മുഹമ്മദലി മുസ്ലിയാർ, സൽമാൻ ദാരിമി, അബ്ദുല്ല. ടി. കെ സി, നസീർ മച്ചിങ്ങൽ തുടങ്ങിയവർ സംസാരിച്ചു.

റഹ്മാനിയ ജിദ്ദ കമ്മിറ്റി ജനറൽ സെക്രട്ടറി ജാബിർ നാദാപുരം സ്വാഗതവും ആർ. കെ തഹ്ദീർ നന്ദിയും പറഞ്ഞു.