അൽ ഹസ്സ: പ്രവാസലോകത്തെ ഒത്തൊരുമയുടെയും സാഹോദര്യത്തിന്റെയും ഊഷ്മളത പകർന്ന്, നവയുഗം സാംസ്കാരികവേദി അൽഹസ സനയ്യാ യൂണിറ്റിന്റെ നേതൃത്വത്തിൽ ഇഫ്ത്താർ സംഗമം വിപുലമായ രീതിയിൽ സംഘടിപ്പിച്ചു.

സനയ്യ ഇൻഡസ്ട്രിയൽ ഏരിയയിൽ വെച്ച് അൽഹസ്സ മേഖല കമ്മിറ്റി അംഗം അംഗം സുനിൽ വലിയാട്ടിന്റെ അദ്ധ്യക്ഷതയിലും, സനയ്യ യൂണിറ്റ് സെക്രട്ടറി വേലൂ രാജന്റെയും, പ്രസിഡന്റ് ഷമിലിന്റെയും നേതൃത്വത്തിലും നടന്ന ഇഫ്താർ സംഗമത്തിൽ, നവയുഗം നേതാക്കളും പ്രവർത്തകരും ഉൾപ്പടെ അനവധി പ്രവാസി തൊഴിലാളികൾ പങ്കെടുത്തു.

നവയുഗം അൽഹസ്സ മേഖല കമ്മിറ്റി സെക്രട്ടറി ഉണ്ണി മാധവം, കേന്ദ്രകമ്മിറ്റി അംഗം ലത്തീഫ് മൈനാഗപ്പള്ളി, ശോഭാ യൂണിറ്റ് സെക്രട്ടറി നിസാർ പത്തനാപുരം, മസോറിയ യൂണിറ്റ് സെക്രട്ടറി നാസർ കൊല്ലം, കൊളബിയ യൂണിറ്റ് സെക്രട്ടറി അൻസാരി തുടങ്ങിയവർ പങ്കെടുത്തു സംസാരിച്ചു.