അൽകോബാർ: റംസാന്റെ സാഹോദര്യ സന്ദേശവുമായി പ്രവാസി സ്‌നേഹകൂട്ടായ്മയൊരുക്കി നവയുഗം സാംസ്കാരികവേദി തുഗ്ബ മേഖലയുടെ ഇഫ്താർ സംഗമം അരങ്ങേറി.

തുഗ്ബ സനയ്യ അബു ഹായ്ത്തം ഷിഫാ ഓഡിറ്റോറിയത്തിൽ അരങ്ങേറിയ ഇഫ്താർ സംഗമത്തിൽ, കിഴക്കൻ പ്രവിശ്യയിലെ സാമൂഹ്യമേഖലയിലെ പ്രമുഖർ ഉൾപ്പെടെ നൂറുകണക്കിന് പ്രവാസികളും കുടുംബങ്ങളും ഇഫ്താറിൽ പങ്കെടുത്തു. നവയുഗം കേന്ദ്രനേതാക്കളായ എം എ വാഹിദ് കാര്യറ, ഷാജി മതിലകം, സാജൻ കണിയാപുരം, ഗോപകുമാർ, അരുൺ ചാത്തന്നൂർ, നിസാം കൊല്ലം, സനു മഠത്തിൽ, ബിനുകുഞ്ഞു, അനീഷ കലാം എന്നിവർ സംബന്ധിച്ചു.

ഇഫ്താർ സംഗമത്തിന് നവയുഗം നേതാക്കളായ ദാസൻ രാഘവൻ, ഷിബുകുമാർ, മണിക്കുട്ടൻ, പ്രഭാകരൻ എടപ്പാൾ, ശരണ്യ ഷിബു, ജേക്കബ് ഉതുപ്പ്, നിസാർ കരുനാഗപ്പള്ളി, സുറുമി നസീം, മഞ്ജു അശോക്, സിറാജ്, അബൂബക്കർ, ഇർഷാദ്, സാജൻ, നിയാസ്, പോൾസൺ, ഷിജിൽ, ഷിബു ശിവാലയം, മുഹമ്മദ് നൈനാൻ, സരള ജേക്കബ് എന്നിവർ നേതൃത്വം നൽകി.