ജിദ്ദ : ജിസിസി കെഎംസിസി പേങ്ങാട് സംഘടിപ്പിച്ച 'മദ്ഹിശൽ1445' ലെ മത്സര വിജയികളെയും പങ്കാളികളെയും അനുമോദിച്ചു.പതിനഞ്ചോളം ഇനങ്ങളിലായി 100ലെറെ മത്സർഥികൾ 400ലെറെ പ്രോഗ്രാമുകൾ അവതരിപ്പിച്ചു. പ്രോഗ്രാമിൽ സ്ത്രീകൾ അവതരിപ്പിച്ച കാലിക പ്രസക്തമായ പ്രബന്ധവും കവിത രചനയും ശ്രദ്ധേയമായി.

മദ്രസ പൊതുപരീക്ഷയിൽ ഉന്നത വിജയം കരസ്ഥമാക്കിയ പേങ്ങാട് റെയ്ഞ്ചിന്റെ സ്മരണ അവാർഡ് നേടിയ എൻകെ. ഫാത്തിമ നഫ്‌ളയെ പുരസ്‌കാരം നൽകി അനുമോദിച്ചു.
മത്സരം പ്രൊ. നൗഫൽ, അമീറലി മാസ്റ്റർ കൊയിലാണ്ടി, ഹാജറ സലീം, ടി ടി കരീം, സുമയ്യ ഫസൽ എന്നിവരടങ്ങിയ അഞ്ചംഗ പാനൽ നിയന്ത്രിച്ചു.

പുരസ്‌കാരദാന ചടങ്ങ് കള്ളിയിൽ സുബൈറിന്റെ അധ്യക്ഷതയിൽഇ ഹസ്സൻകോയ ഉദ്ഘാടനം ചെയ്തു.കെ ബാവ,ടി അഹമ്മദ്, ടി ബഷീർ, ഇ ബഷീർ തുടങ്ങിയവർ നേതൃത്വം നൽകി.
നാസർ എം സ്വാഗതവും എകെ സലീം നന്ദിയും പറഞ്ഞു.