പൊന്നോമനകൾ നഷ്ടമായ കുടുംബത്തിന്റെ വേദനയിൽ സവയും പങ്കുചേരുന്നു

ദമ്മാം: കഴിഞ്ഞ ദിവസം സ്വിമ്മിങ് പൂളിൽ മുങ്ങിമരിച്ച മൂന്ന് കുട്ടികളുടെ വിയോഗത്തിൽ സൗദി ആലപ്പുഴ വെൽഫെയർ അസോസിയേഷൻ കിഴക്കൻ (സവ) പ്രവിശ്യ കേന്ദ്ര കമ്മറ്റി അനുശോചിച്ചു.കൊല്ലം കരുനാഗപ്പള്ളി സ്വദേശി നവാസ് ബഷീർ ആലപ്പുഴ നൂറനാട് സ്വദേശിനി സൗമി നവാസ് ദമ്പതികളുടെ മക്കളായ സഫ്വാൻ (6), സൗഫാൻ (4) എന്നിവരും ഒരു ഗുജറാത്തി ബാലനുമാണ് അപകടത്തിൽ മരണമടഞ്ഞത്.

പൊന്നോമനകൾ നഷ്ടമായി പരിഹാരമില്ലാത്ത ദുഃഖകയത്തിൽ അകപ്പെട്ട രണ്ട് കുടുംബങ്ങളുടെയും വേദനയിൽ പങ്കുചേരുന്നതായി അനുശോചന സന്ദേശത്തിലൂടെ അറിയിച്ചു. സൗദി ആലപ്പുഴ വെൽഫെയർ അസോസിയേഷൻ കിഴക്കൻ പ്രവിശ്യയുടെ നേതൃത്വത്തിൽ ഈ ആഴചയിൽ നടത്താൻ തീരുമാനിച്ചിരുന്ന മുഴവൻ പരിപാടികളും മരണമടഞ്ഞ കുട്ടികളോടുള്ള ആദരസൂചകമായി മാറ്റിവച്ചതായി സവ ഭാരവാഹികൾ അറിയിച്ചു.