ന്യൂഡൽഹി: നാഷണൽ സ്‌കൂൾ ഓഫ് ഡ്രാമ (എൻഎസ്ഡി) മതപരമായ ഉത്സവങ്ങൾക്ക് പ്രചാരം നൽകുന്നതിൽ കടുത്ത ആശങ്ക രേഖപ്പെടുത്തി കലാകാരന്മാർ. കർവചൗത്, ഇദുൽ മിലാദ്, ദുർഗാപൂജ തുടങ്ങിയവയെ കുറിച്ചുള്ള പോസ്റ്റുകൾ ഔദ്യോഗിക ഇൻസ്റ്റഗ്രാം അക്കൗണ്ടിൽ പങ്കുവച്ചതിലാണ് പ്രതിഷേധം.

ഇവ എത്രയുംവേഗം ഒഴിവാക്കണമെന്ന് കലാകാരന്മാരും എഴുത്തുകാരും എൻഎസ്ഡിയിലെ മുൻ അദ്ധ്യാപകരുമടക്കം 262 പേർ ചെയർപേഴ്സണ് നൽകിയ കത്തിൽ ആവശ്യപ്പെട്ടു. കലാകാരനും സംവിധായകനുമായ എം കെ റെയ്ന, നടൻ സുധൻവ ദേശ്പാണ്ഡെ, എൻഎസ്ഡി മുൻ ഡയറക്ടർ അനുരാധ കപൂർ എന്നിവരുൾപ്പെടെ 262 പേർ ഒപ്പിട്ടാണ് കത്ത് നൽകിയത്.