മനാമ: വീട്ടുകാരില്ലാതിരുന്ന സമയത്ത് മലയാളി പീഡിപ്പിച്ച അഞ്ചാം ക്ലാസ് വിദ്യാർത്ഥിനി ഗർഭിണിയല്ലെന്ന് തെളിഞ്ഞു. ഉംഹൽ ഹസമിൽ അയൽവാസികളായിരുന്നു പെൺകുട്ടിയും അവളെ പീഡിപ്പിച്ച അമ്പത്തിരണ്ടുകാരനായ മലയാളിയും. മാതാപിതാക്കൾ വീട്ടിൽ ഇല്ലാതിരുന്ന സായാഹ്നങ്ങളിൽ ചോക്ലേറ്റ് കാട്ടി ഇയാൾ സ്വന്തം വീട്ടിലേക്ക് വിളിച്ച് നിരവധി തവണ പീഡിപ്പിക്കുകയായിരുന്നു.

ബഹ്‌റിനിലെ പ്രശസ്ത കമ്യൂണിറ്റി സ്‌കൂളിൽ അഞ്ചാം ക്ലാസിൽ പഠിക്കുന്ന പെൺകുട്ടി സ്‌കൂൾ ടീച്ചറിനോട് ഇക്കാര്യം പറഞ്ഞതോടെയാണ് മാതാപിതാക്കൾ സംഭവം അറിയുന്നത്. സ്‌കൂൾ കൗൺസിലിംഗിൽ കാര്യങ്ങൾ തുറന്നു പറഞ്ഞ പെൺകുട്ടിയുടെ മാതാപിതാക്കൾ പിന്നീട് ഇത് പൊലീസിൽ പരാതിപ്പെടുകയായിരുന്നു. പൊലീസ് അറസ്റ്റ് ചെയ്ത ഇയാളെ ഇപ്പോൾ ഡ്രൈഡോക്ക് ഡിറ്റൻഷൻ സെന്ററിൽ പാർപ്പിച്ചിരിക്കുകയാണ്.

അതേസമയം പെൺകുട്ടി ഗർഭിണിയാണെന്ന് ഇതിനിടെ വാർത്തകൾ പരന്നിരുന്നു. എന്നാൽ ഇത് വ്യാജമായ പ്രചരണമാണെന്നാണ് ഇതുമായി ബന്ധപ്പെട്ട കേന്ദ്രങ്ങൾ അറിയിക്കുന്നത്.