ആഴ്‌ച്ചയിൽ മൂന്ന് ദിവസം പരിശോധന; മാസ്‌ക് നിർബന്ധം; ഓസ്ട്രിയയിൽ സ്‌കൂളുകൾ ഇന്ന് മുതൽ തുറക്കുമ്പോൾ അറിഞ്ഞിരിക്കേണ്ട കാര്യങ്ങൾ ഇവ
ഓസ്ട്രിയയിൽ ഇന്ന് മുതൽ സ്‌കൂളുകൾ പഴയ രീതിയിലേക്ക് മടങ്ങുകയാണ്. ഓൺലൈൻ പ്ലാറ്റ് ഫോമിൽ നിന്ന് ഫെയ്‌സ് ടു ഫെയ്‌സ് വിദ്യാഭ്യാസ രീതിയിലേക്ക് മടങ്ങുന്ന ആവേശത്തിലാണ് രക്ഷിതാക്കളും കുട്ടികളും എങ്കിലും കൊറോണ വൈറസ് പടരുന്ന സാഹചര്യം മുൻനിർത്തി ചില നിയന്ത്രണങ്ങളും നിബന്ധനകളുടെയും അടിസ്ഥാനത്തിലാണ് സ്‌കൂളുകൾ തുറക്കുക. ഇവയിൽ പ്രാധനം മാസ്‌ക് ധരിക്കൽ തന്നെയാണ്. ഒപ്പം ആഴ്‌ച്ചയിൽ മൂന്ന് തവണ കുട്ടികൾക്ക് പരിശോധന നടത്തണമെന്നും നിബന്ധന ഉണ്ട്.
പ്രൈമറി, എലമെന്ററി സ്‌കൂൾ കുട്ടികൾക്കും ഈ നിബന്ധനകൾ ബാധകമാണ്.ഒന്നിടവിട്ട ദിവസങ്ങളിൽ ക്ലാസുകൾ ഉണ്ടായിരിക്കില്ല.വിദ്യാർത്ഥികളെ ആഴ്ചയിൽ മൂന്ന് തവണ പരിശോധന നടത്തേണ്ടതുണ്ട്ഇത് സ്‌കൂളിലെ ഒരു ടെസ്റ്റ് വഴിയോ അല്ലെങ്കിൽ ഒരു ആന്റിജൻ അല്ലെങ്കിൽ പിസിആർ ടെസ്റ്റ് ഓഫ് സൈറ്റ് വഴിയോ ആകാം. ആന്റിജൻ, പിസിആർ പരിശോധനകൾ യഥാക്രമം 48, 72 മണിക്കൂർ വരെ സാധുവാണ്.വാക്‌സിനേഷൻ ലഭിച്ച അല്ലെങ്കിൽ കഴിഞ്ഞ ആറുമാസമായി വൈറസ് ബാധിച്ച വിദ്യാർത്ഥികൾക്ക് ഒരു പരിശോധന നടത്തേണ്ട ആവശ്യമില്ല. പരിശോധന നടത്താൻ താത്പര്യമില്ലാത്തവർക്ക് ഓൺലൈൻ പഠനത്തിൽ പങ്കെടുക്കണം
മാസ്‌ക്കുകൾ ധരിക്കുന്ന കാര്യവും പ്രായപരിധി അനുസരിച്ച് വ്യത്യാസപ്പെട്ടിരിക്കും.പ്രാഥമിക വിദ്യാലയങ്ങളിൽ, വിദ്യാർത്ഥികൾക്ക് മാസ്‌ക് ധരിക്കണമെങ്കിലും ഇരിപ്പിടങ്ങളിൽ ഇരിക്കുമ്പോൾ അവ നീക്കംചെയ്യാം.ഹൈസ്‌കൂളിലെ താഴ്ന്ന ഗ്രേഡുകളിൽ, മാസ്‌കുകൾ ക്ലാസിൽ ധരിച്ച് തന്നെ ഇരിക്കണം. ഉയർന്ന ഗ്രേഡുകളിൽ കുട്ടികൾ എഫ്എഫ്പി 2 മാസ്‌കുകൾ മാത്രം ധരിക്കണം എന്നിവയാണ് നിബന്ധനകൾ.
