ചെന്നൈ: കഴിഞ്ഞ ദിവസമാണ് നടിയും ബിജെപി നേതാവുമായ ഖുശ്‌ബു സുന്ദർ തനിക്ക് എയർ ഇന്ത്യയിൽ നിന്നുണ്ടായ മോശം അനുഭവത്തെക്കുറിച്ച് തുറന്നു പറഞ്ഞത്. കാലിന് പരിക്കുപറ്റിയ താൻ ഒരു വീൽചെയറിനായി അരമണിക്കൂർ കാത്തുനിന്നുവെന്നാണ് ഖുശ്‌ബു ട്വീറ്റ് ചെയ്തത്. സംഭവം വിവാദമായതിനു പിന്നാലെ ഖുശ്‌ബുവിനോട് ക്ഷമാപണം നടത്തിയിരിക്കുകയാണ് എയർ ഇന്ത്യ.

മോശം അനുഭവം ഉണ്ടായതിൽ ക്ഷമ ചോദിക്കുന്നുവെന്നും അടിയന്തരമായി നടപടി സ്വീകരിക്കും എന്നുമാണ് എയർ ഇന്ത്യ പറഞ്ഞത്. ഖുശ്‌ബുവിന്റെ ട്വീറ്റിനു താഴെയാണ് മറുപടിയുമായി എയർ ഇന്ത്യ എത്തിയത്. കഴിഞ്ഞ ചൊവ്വാഴ്ചയാണ് ഖുശ്‌ബുവിന് ചെന്നൈ എയർപോർട്ടിൽവച്ച് മോശം അനുഭവമുണ്ടായത്.

 

ചെന്നൈ എയർപോർട്ടിൽ കാലിന് പരിക്കുപറ്റിയ താൻ ഒരു വീൽചെയറിനായി അരമണിക്കൂർ കാത്തുനിന്നുവെന്ന് ഖുശ്‌ബു ട്വീറ്റ് ചെയ്തത്. മറ്റൊരു എയർലൈനിൽ നിന്നും വീൽ ചെയർ വാങ്ങിയാണ് തനിക്ക് നൽകിയതെന്നും ഖുശ്‌ബു പറയുന്നു. നിങ്ങൾക്ക് ഇതിൽ കൂടുതൽ നന്നായി ചെയ്യാൻ സാധിക്കുമെന്നും ഖുശ്‌ബു എയർ ഇന്ത്യയെ ഓർമ്മിപ്പിച്ചു. ഈ അടുത്താണ് ഒരു അപകടത്തിൽ ഖുശ്‌ബുവിന്റെ കാലിന് പരിക്കേറ്റത്. ഇതിന്റെ ചിത്രങ്ങൾ ഖുശ്‌ബു സോഷ്യൽ മീഡിയയിൽ പങ്കുവച്ചിരുന്നു.

മറുനാടന്‍ മലയാളി

    മറുനാടന്‍ മലയാളി ബ്യൂറോ