അഞ്ചു വർഷത്തിന് ശേഷം അമലാപോൾ മലയാളത്തിലേക്ക്; 'ദി ടീച്ചർ', ഫസ്റ്റ് ലുക്ക് പുറത്തുവിട്ട് മോഹൻലാൽ

തിരുവനന്തപുരം: അഞ്ചു വർഷത്തിന് ശേഷം നടി അമലാ പോൾ വീണ്ടും മലയാളത്തിൽ നായികയായെത്തുന്നു. 'ദി ടീച്ചർ' എന്ന ചിത്രത്തിലൂടെയാണ് തിരിച്ചുവരവ്. സിനിമയുടെ ഫസ്റ്റ് ലുക്ക് പോസ്റ്റർ പുറത്തുവിട്ടിരിക്കുകയാണ് അണിയറപ്രകവർത്തകർ. നടൻ മോഹൻലാലാണ് ഫസ്റ്റ് ലുക്ക് റിലീസ് ചെയ്തത്.

ഫഹദ് ഫാസിലും സായി പല്ലവിയും ഒന്നിച്ച അതിരൻ സംവിധാനം ചെയ്ത വിവേക് ആണ് ടീച്ചറിന്റെ സംവിധാനം നിർവഹിക്കുന്നത്. സസ്പെൻസ് ത്രില്ലർ ആണ് ചിത്രം. മഞ്ജു പിള്ള, ചെമ്പൻ വിനോദ് ജോസ്, ഹക്കീം ഷാജഹാൻ, പ്രശാന്ത് മുരളി,നന്ദു, ഹരീഷ് പേങ്ങൻ, അനു മോൾ, മാലാ പാർവ്വതി, വിനീത കോശി തുടങ്ങിയവരാണ് മറ്റു പ്രമുഖ താരങ്ങൾ.

 

നട്ട് മഗ് പ്രൊഡ്ക്ഷൻസിന്റെ ബാനറിൽ അവതരിപ്പിക്കുന്ന ചിത്രം വി റ്റി വി ഫിലിംസ് ആണ് നിർമ്മിക്കുന്നത്. പി വി ഷാജി കുമാർ, വിവേക് എന്നിവർ ചേർന്നാണ് തിരക്കഥയും സംഭാഷണവും ഒരുക്കുന്നത്.