മണവാളനായി ബേസിൽ ജോസഫും മണവാട്ടിയായി ദർശനയും; ജയ ജയ ജയ ജയ ഹേ സിനിയുടെ ഫസ്റ്റ് ലുക്ക് പുറത്ത്

കൊച്ചി: ബേസിൽ ജോസഫും ദർശനയും ഒന്നിക്കുന്ന 'ജയ ജയ ജയ ജയ ഹേ' എന്ന ചിത്രത്തിന്റെ ഫസ്റ്റ് ലുക്ക് പുറത്ത്. മുത്തുഗൗ, അന്താക്ഷരി തുടങ്ങിയ ചിത്രങ്ങൾ ഒരുക്കിയ വിപിൻ ദാസാണ് സംവിധാനം.

വിപിൻ ദാസും നാഷിദ് മുഹമ്മദ് ഫാമിയും ചേർന്നാണ് തിരക്കഥ ഒരുക്കുന്നത്. ചിയേഴ്സ് എന്റർടൈന്മെന്റസ് അവതരിപ്പിക്കുന്ന ചിത്രം ചിയേഴ്സ് എന്റർടൈന്മെന്റ്‌സിന്റെ ബാനറിൽ ലക്ഷ്മി വാര്യർ, ഗണേശ് മേനോൻ എന്നിവരും സൂപ്പർ ഡ്യുപ്പർ ഫിലിംസിന്റെ ബാനറിൽ അമൽ പോൾസനും ചേർന്നാണ് നിർമ്മിക്കുന്നത്.

കുടുംബ പശ്ചാത്തലത്തിൽ ഒരുങ്ങുന്ന ചിത്രമാണ് 'ജയ ജയ ജയ ജയ ഹേ ' എന്ന് ഫസ്റ്റ് ലുക്ക് പോസ്റ്റർ സൂചന നൽകുന്നു. ദീപാവലി റീലീസായി ഒക്ടോബർ 21ന് ചിത്രം തീയേറ്ററുകളിലെത്തും.

ഐക്കൺ സിനിമാസ് ആണഅ ' ജയ ജയ ജയ ജയ ഹേ ' യുടെ വിതരണക്കാർ. ബബ്ലു അജുവാണ് ഛായാഗ്രഹണം. ജോൺ കുട്ടിയാണ് എഡിറ്റിങ്. വിനായക് ശശികുമാറിന്റെയും ശബരീഷ് വർമയുടേയും വരികൾക്ക് അങ്കിത് മേനോൻ സംഗീത സംവിധാനം നിർവഹിക്കുന്നു. ഫെലിക്‌സ് ഫുകുയോഷി റുവേ ആണ് സംഘട്ടന രംഗങ്ങൾ ഒരുക്കുന്നത്. കല - ബാബു പിള്ള, ചമയം - സുധി സുരേന്ദ്രൻ, വസ്ത്രലങ്കാരം - അശ്വതി ജയകുമാർ, നിർമ്മാണ നിർവഹണം - പ്രശാന്ത് നാരായണൻ, മുഖ്യ സഹ സംവിധാനം - അനീവ് സുരേന്ദ്രൻ, ധനകാര്യം - അഗ്‌നിവേഷ്, പ്രൊഡക്ഷൻ കോർഡിനേറ്റർ - ഐബിൻ തോമസ്, നിശ്ചല ചായാഗ്രഹണം -ശ്രീക്കുട്ടൻ, വാർത്താ പ്രചരണം - വൈശാഖ് സി വടക്കേവീട്, ജിനു അനിൽകുമാർ. പബ്ലിസിറ്റി ഡിസൈൻസ് - യെല്ലോ ടൂത്ത്.