കുന്നംകുളം: പൊലീസ് യൂണിഫോമിൽ ഉദ്യോഗസ്ഥന്റെ ക്രിക്കറ്റു കളി സൈബറിടത്തിൽ വൈറൽ. കിട്ടിയ സമയം യുവാക്കൾക്കൊപ്പം ക്രിക്കറ്റ് കളിക്കുന്ന ഒരു പൊലീസുകാരന്റെ വീഡിയോ ആണിപ്പോൾ സമൂഹ മാധ്യമങ്ങളിൽ തരംഗമാകുന്നത്.

കുന്നംകുളം സ്റ്റേഷനിലെ സിഐ, മഹേഷാണ് ക്രിക്കറ്റ് കളിക്കുന്നത്. പൊലീസ് യൂണിഫോമിലാണ് മഹേഷിന്റെ ക്രിക്കറ്റ് കളി. കേരള പൊലീസിന്റെ ഔദ്യോഗിക പേജിലാണ് ക്രിക്കറ്റുകളി ആദ്യം പ്രത്യക്ഷപ്പെട്ടത്. 'മൊബൈൽ സ്‌ക്രീനുകളിലല്ല, മൈതാനങ്ങളിലാണ് നമ്മുടെ കുട്ടികൾ കളിച്ചുവളരേണ്ടത്.. ലഹരിയോടല്ല, ജീവിതത്തോടാണ് അവർക്ക് ആസക്തി തോന്നേണ്ടത് ...ഡ്യൂട്ടിക്കിടെ കണ്ട കൂട്ടുകാർക്കൊപ്പം' എന്ന കുറിപ്പോടെ പങ്കുവച്ച വീഡിയോ നിരവധി പേരാണ് കണ്ടത്.

'പിള്ളേരെ കളിയിലേക്ക് കൊണ്ടു വന്നാൽ വേറെ ഒരു പരിപാടിക്കും അവർ പോകില്ലെ' എന്നു മഹേഷ് പറയുന്നത് വിഡിയോയിൽ കേൾക്കാം. എന്തായാലും വിഡിയോയ്ക്ക് അഭിനന്ദനം അറിയിച്ച് നിരവധി പേരാണെത്തുന്നത്. പൊലീസ് പങ്കുവച്ചത് നല്ല സന്ദേശാണെന്നും ബിഗ് സല്യൂട്ട് എന്നെല്ലാമാണ് കമന്റുകൾ. മഹേഷിന്റെ ക്രിക്കറ്റ് കളിയെയും പ്രശംസിച്ച് നിരവധി പേർ എത്തുന്നുണ്ട്.

 

മറുനാടന്‍ ഡെസ്‌ക്‌

    മറുനാടന്‍ ഡെസ്‌ക്‌