'കോബ്ര'യുടെ ദൈർഘ്യം മൂന്ന് മണിക്കൂറും മൂന്ന് മിനിറ്റും മൂന്ന് സെക്കൻഡും; അഡ്വാൻസ് ബുക്കിങ് തുടങ്ങി; ചിത്രം എത്തുക 31 ന്

ചെന്നൈ: വിക്രം നായകനാകുന്ന 'കോബ്ര'യുടെ അഡ്വാൻസ് ബുക്കിങ് തുടങ്ങി. ആർ അജയ് ജ്ഞാനമുത്തു സംവിധാനം ചെയ്യുന്ന ചിത്രത്തിന് യു/എ സർട്ടിഫിക്കറ്റ് ആണ്. മൂന്ന് മണിക്കൂറും മൂന്ന് മിനിറ്റും മൂന്ന് സെക്കൻഡുമാണ് ചിത്രത്തിന്റെ ദൈർഘ്യമെന്നാണ് സെവൻ സ്‌ക്രീൻ സ്റ്റുഡിയോയുടെ ട്വീറ്റിൽ പറഞ്ഞിരിക്കുന്നത്.

'കെജിഎഫി'ലൂടെ സുപരിചിതയായ ശ്രീനിധി ഷെട്ടിയാണ് നായിക. മലയാളി താരങ്ങളായ റോഷൻ മാത്യു, മിയ ജോർജ്ജ്, സർജാനോ ഖാലിദ് എന്നിവർ ചിത്രത്തിൽ അഭിനയിച്ചിട്ടുണ്ട്. കെ എസ് രവികുമാർ, ആനന്ദ്‌രാജ്, റോബോ ശങ്കർ,മൃണാളിനീ രവി, മീനാക്ഷി ഗോവിന്ദ്‌രാജൻ തുടങ്ങിയവരും ചിത്രത്തിലുണ്ട്.

വിക്രം ഏഴ് വ്യത്യസ്ത ഗെറ്റപ്പുകളിൽ പ്രത്യക്ഷപ്പെടുന്ന 'കോബ്ര' ചിത്രീകരണസമയത്തേ വാർത്തകളിൽ ഇടംപിടിച്ചിരുന്നു. ക്രിക്കറ്റ് താരം ഇർഫാൻ പത്താന്റെ അരങ്ങേറ്റ ചിത്രമാണെന്ന പ്രത്യേകതയും സിനിമയ്ക്കുണ്ട്.