'കാതൽ മരങ്ങൾ പൂക്കണേ'...; വീണ്ടും മനോഹര മെലഡിയുമായി ഷാൻ റഹ്‌മാൻ; 'പ്രണയ വിലാസ'ത്തിലെ ആദ്യഗാനമെത്തി; ചിത്രം ഫെബ്രുവരി 17 ന്
നിഖിൽ മുരളി സംവിധാനം ചെയ്യുന്ന പ്രണയ വിലാസം എന്ന ചിത്രത്തിലെ ആദ്യ വീഡിയോ സോംഗ് അണിയറക്കാർ പുറത്തുവിട്ടു.'കാതൽ മരങ്ങൾ പൂക്കണേ എന്നാരംഭിക്കുന്ന ഗാനത്തിന് വരികൾ എഴുതിയിരിക്കുന്നത് സുഹൈൽ കോയയാണ്. ഷാൻ റഹ്‌മാൻ ഈണമിട്ടിരിക്കുന്ന ഗാനം ആലപിച്ചിരിക്കുന്നത് ശ്രീജിഷ് സുബ്രഹ്‌മണ്യൻ, നന്ദ ജെ ദേവൻ എന്നിവർ ചേർന്നാണ്. വാലന്റൈൻ മാസമായ ഫെബ്രുവരി 17 ന് ചിത്രം തിയറ്ററുകളിൽ എത്തും.
മിയ, മനോജ് കെ യു, ഉണ്ണിമായ, ഹക്കിം ഷാജഹാൻ തുടങ്ങിയ താരങ്ങളും ചിത്രത്തിൽ അഭിനയിക്കുന്നുണ്ട്. ചവറ ഫിലിംസ്, ന്യൂസ്‌പേപ്പർ ബോയ് എന്നീ ബാനറുകളിൽ സിബി ചവറ, രഞ്ജിത്ത് നായർ എന്നിവർ ചേർന്ന് നിർമ്മിക്കുന്ന ഈ സിനിമയുടെ ഡിജിറ്റൽ റൈറ്റ്‌സ് സ്വന്തമാക്കിയിരിക്കുന്നത് സീ5 ആണ്. സീ കേരളത്തിനാണ് സാറ്റലൈറ്റ് റൈറ്റ്. ഓഡിയോ റൈറ്റ്‌സ് തിങ്ക് മ്യൂസിക്കിനാണ്.
ജ്യോതിഷ് എം, സുനു എ വി എന്നിവർ ചേർന്നാണ് കഥയൊരുക്കിയിരിക്കുന്നത്. ഛായാഗ്രഹണം ഷിനോസ്, എഡിറ്റിങ് ബിനു നെപ്പോളിയൻ, ഗാനരചന സുഹൈൽ കോയ, മനു മഞ്ജിത്ത്, വിനായക് ശശികുമാർ, സംഗീതം ഷാൻ റഹ്‌മാൻ, ആർട്ട് ഡയറക്ടർ രാജേഷ് പി വേലായുധൻ, മേക്കപ്പ് റോണക്‌സ് സേവ്യർ, കോസ്റ്റ്യൂം സമീറ സനീഷ്, സൗണ്ട് ഡിസൈൻ ശങ്കരൻ എ എസ്, കെ സി സിദ്ധാർത്ഥൻ, സൗണ്ട് മിക്‌സ് വിഷ്ണു സുജതൻ, മാർക്കറ്റിങ് സ്‌നേക്ക് പ്ലാന്റ്, പ്രൊഡക്ഷൻ കൺട്രോളർ ഷബീർ മലവട്ടത്ത്, ചീഫ് അസോസിയേറ്റ് സുഹൈൽ എം, കളറിസ്റ്റ് ലിജു പ്രഭാകർ, സ്റ്റിൽസ് അനൂപ് ചാക്കോ, നിദാദ് കെ എൻ, ടൈറ്റിൽ ഡിസൈൻ കിഷോർ വയനാട്, പോസ്റ്റർ ഡിസൈനർ യെല്ലോ ടൂത്ത്,പി ആർ ഒ- എ എസ് ദിനേശ്.
