മലയാളത്തിൽ ഈ വർഷം ഇറങ്ങിയ സിനിമകളിൽ ഏറ്റവുമധികം പ്രീ റിലീസ് ഹൈപ്പ് ലഭിച്ച ചിത്രങ്ങളിൽ ഒന്നായിരുന്നു ഗോൾഡ്. പ്രേമം എന്ന സൂപ്പർഹിറ്റ് ചിത്രം പുറത്തിറങ്ങി ഏഴ് വർഷത്തിനു ശേഷം സംവിധായകൻ അൽഫോൻസ് പുത്രൻ ഒരുക്കുന്ന ചിത്രം എന്നതായിരുന്നു ഈ ഹൈപ്പിന് കാരണം.

ഒപ്പം അൽഫോൻസിന്റെ സംവിധാനത്തിൽ ആദ്യമായി പൃഥ്വിരാജും നയൻതാരയും എത്തുന്ന ചിത്രം എന്നതും. എന്നാൽ റിലീസിനു പിന്നാലെ ചിത്രത്തിന് നെഗറ്റീവ് മൗത്ത് പബ്ലിസിറ്റിയാണ് ലഭിച്ചത്. അതേസമയം ചിത്രം ഇഷ്ടപ്പെട്ട ഒരു വിഭാഗം ചലച്ചിത്ര പ്രേമികളും ഉണ്ടായിരുന്നു. ഇപ്പോഴിതാ ചിത്രം ഒടിടി റിലീസിന് ഒരുങ്ങുകയാണ്.

 

പ്രമുഖ പ്ലാറ്റ്‌ഫോം ആയ ആമസോൺ പ്രൈം വീഡിയോയിലൂടെയാണ് ഗോൾഡ് എത്തുക. പുതുവത്സരത്തിന് മുന്നോടിയായാണ് റിലീസ്. ഡിസംബർ 29 ന് ചിത്രം സ്ട്രീമിങ് ആരംഭിക്കും. ഓണം റിലീസ് ആയി എത്തുമെന്ന് കരുതപ്പെട്ടിരുന്ന ചിത്രം പോസ്റ്റ് പ്രൊഡക്ഷൻ പൂർത്തിയാവാത്തതിനാൽ ഡിസംബർ 1 ന് ആണ് തിയറ്ററുകളിൽ എത്തിയത്.

തിയറ്ററിൽ വർക്ക് ആവാത്ത ചിത്രമാണെങ്കിലും തങ്ങൾക്ക് ലാഭമാണ് ഗോൾഡ് ഉണ്ടാക്കിയതെന്ന് പൃഥ്വിരാജ് ഈയിടെ പറഞ്ഞിരുന്നു. മാജിക് ഫ്രെയിംസ്, പൃഥ്വിരാജ് പ്രൊഡക്ഷൻസ് എന്നീ ബാനറുകളിൽ ലിസ്റ്റിൻ സ്റ്റീഫനും പൃഥ്വിരാജും ചേർന്നായിരുന്നു ചിത്രത്തിന്റെ നിർമ്മാണം.

മറുനാടന്‍ മലയാളി

    മറുനാടന്‍ മലയാളി ബ്യൂറോ