'ആശുപത്രി വാസം കഴിഞ്ഞ് പുതിയ സിനിമയിൽ ജോയിൻ ചെയ്തു; അസുഖ വിവരം ഫോണിൽ വിളിച്ചു അന്വേഷിക്കുകയും.. വന്നു കാണുകയും.. എനിക്ക് വേണ്ടി പ്രാർത്ഥിക്കുകയും ചെയ്ത പ്രാർത്ഥിച്ച എല്ലാവർക്കും നന്ദി'; കോട്ടയം നസീർ

കോട്ടയം: നടനും മിമിക്രി ആർട്ടിസ്റ്റുമായ കോട്ടയം നസീർ ആശുപത്രിവിട്ടു. ആരോഗ്യനിലയിൽ പുരോഗതി നേടി സിനിമാ തിരക്കുകളിലേക്ക് മടങ്ങിയിരിക്കയാണ് താനെന്ന് കോട്ടയം നസീർ. ആശുപത്രിവാസം കഴിഞ്ഞതായും പുതിയ സിനിമയിൽ ജോയിൻ ചെയ്തതായും താരം അറിയിച്ചു. കഴിഞ്ഞാഴ്ചയായിരുന്നു നെഞ്ചുവേദനയെ തുടർന്ന് കോട്ടയം നസീറിനെ ആശുപത്രിയിൽ പ്രവേശിപ്പിച്ചത്.

ചികിത്സിച്ച ഡോക്ടർമാർക്കും നഴ്‌സുമാർക്കും പ്രാർത്ഥിച്ചവർക്കും നസീർ നന്ദി അറിയിച്ചു. നെഞ്ചുവേദനയെ തുടർന്ന് ആൻജിയോഗ്രാം പരിശോധനയ്ക്ക് വിധേയനാക്കിയതിനു ശേഷം ആൻജിയോപ്ലാസ്റ്റി ചെയ്തിരുന്നു. ആരോഗ്യം മെച്ചപ്പെട്ടതായി താരം തന്നെയാണ് സമൂഹമാധ്യമങ്ങളിൽ പങ്കുവെച്ചത്.

''ആശുപത്രിവാസം കഴിഞ്ഞ് ഇന്ന് പുതിയ സിനിമയിൽ ജോയിൻ ചെയ്തു...എന്നെ ചികിൽസിച്ച കാരിതാസ് ഹോസ്പിറ്റലിലെ ഡോക്ടർമാർക്കും... പരിചരിച്ച നഴ്‌സുമാർക്കും എന്റെ അസുഖ വിവരം ഫോണിൽ വിളിച്ചു അന്വേഷിക്കുകയും..... വന്നു കാണുകയും..... എനിക്ക് വേണ്ടി പ്രാർത്ഥിക്കുകയും ചെയ്ത എല്ലാവർക്കും എന്റെ ഹൃദയം നിറഞ്ഞ നന്ദി'' കോട്ടയം നസീർ ഇൻസ്റ്റാഗ്രാമിൽ കുറിച്ചു.