തിരുവനന്തപുരം: രണം എന്ന അരങ്ങേറ്റ ചിത്രത്തിലൂടെ പ്രേക്ഷകശ്രദ്ധ നേടിയ സംവിധായകൻ നിർമൽ സഹദേവിന്റെ പുതിയ ചിത്രം കുമാരിയുടെ റിലീസ് തീയതി പ്രഖ്യാപിച്ചു. മോഷൻ പോസ്റ്ററിനൊപ്പമാണ് നിർമ്മാതാക്കൾ റിലീസ് തീയതി പങ്കുവച്ചിരിക്കുന്നത്. ഒക്ടോബർ 28 ന് ചിത്രം തിയറ്ററുകളിലെത്തും. നിർമൽ സഹദേവിന്റെ രണ്ടാമത്തെ ചിത്രമാണ് ഇത്.

ഐശ്വര്യ ലക്ഷ്മി കേന്ദ്ര കഥാപാത്രത്തെ അവതരിപ്പിക്കുന്ന ചിത്രത്തിൽ ഷൈൻ ടോം ചാക്കോയും ഒരു പ്രധാന കഥാപാത്രമായി എത്തുന്നുണ്ട്. പൃഥ്വിരാജ് പ്രൊഡക്ഷൻസ് അവതരിപിപ്പിക്കുന്ന കുമാരിയുടെ നിർമ്മാണം ദ് ഫ്രഷ് ലൈം സോഡാസ് ആണ്. നിർമൽ സഹദേവ്, സംഗീത സംവിധായകൻ ജേക്‌സ് ബിജോയ്, എഡിറ്റർ ശ്രീജിത്ത് സാരംഗ്, അഭിനേതാവ് ജിജു ജോൺ എന്നിവരുടെ നിർമ്മാണ സംരംഭമാണ് ദ് ഫ്രഷ് ലൈം സോഡാസ്. ലിസ്റ്റിൻ സ്റ്റീഫന്റെ മാജിക് ഫ്രെയിംസ് റിലീസ് ആണ് ചിത്രം വിതരണം ചെയ്യുന്നത്.

 

സുരഭി ലക്ഷ്മി, സ്വാസിക, ജിജു ജോൺ, തൻവി റാം, സ്ഫടികം ജോർജ്, രാഹുൽ മാധവ്, ശിവജിത്ത്, ശ്രുതി മേനോൻ, ശൈലജ കൊട്ടാരക്കര എന്നിവരാണ് മറ്റു കഥാപാത്രങ്ങളെ അവതരിപ്പിക്കുന്നത്. ഐശ്വര്യ ലക്ഷ്മി, പ്രിയങ്ക ജോസഫ്, മൃദുല പിനപ്പല, ജിൻസ് വർഗീസ് എന്നിവരാണ് സഹനിർമ്മാതാക്കൾ. ഛായാഗ്രഹണം എബ്രഹാം ജോസഫ്, എഡിറ്റർ ശ്രീജിത്ത് സാരംഗ് തന്നെയാണ് ചിത്രത്തിന്റെ കളറിംഗും നിർവ്വഹിക്കുന്നത്.

പ്രൊഡക്ഷൻ ഡിസൈൻ ഗോകുൽ ദാസ്, നിർമൽ സഹദേവിനൊപ്പം ഫസൽ ഹമീദും ചേർന്നാണ് ചിത്രത്തിന്റെ രചന നിർവ്വഹിച്ചിരിക്കുന്നത്. എകിസ്‌ക്യൂട്ടീവ് പ്രൊഡ്യൂസർ ഹാരിസ് ദേശം, മേക്കപ്പ് അമൽ ചന്ദ്രൻ, സ്‌പെഷൽ മേക്കപ്പ് എഫക്റ്റ്‌സ് കൈലി പ്രഷൂട്ടോ, അമൽ ചന്ദ്രൻ, വസ്ത്രാലങ്കാരം സ്റ്റെഫി സേവ്യർ. വരികൾ കൈതപ്രം, ജ്യോതിഷ് കാശി, ജോ പോൾ.

മറുനാടന്‍ മലയാളി

    മറുനാടന്‍ മലയാളി ബ്യൂറോ