ഗോൾഡൻ വീസ സ്വീകരിക്കാനെത്തുന്ന നടി ഭാവനയുടെ വിഡിയോ സമൂഹമാധ്യമങ്ങളിൽ വൈറലാവുകയാണ്. തന്നെ കാത്തു നിന്നവർക്കൊപ്പം ഫോട്ടോ എടുത്തും ആടിപ്പാടിയുമുള്ള ഭാവനയുടെ രസകരമായ വീഡിയോയാണ് പുറത്ത് വന്നിരിക്കുന്നത്. ദുബായിലെ മുൻനിര സർക്കാർ സേവന ദാതാക്കളായ ഇസിഎച്ച് ഡിജിറ്റലിന്റെ ആസ്ഥാനത്ത് എത്തിയ നടി സിഇഒ ഇഖ്ബാൽ മാർക്കോണിയിൽ നിന്നാണ് ഗോൾഡൻ വീസ ഏറ്റുവാങ്ങിയത്.

ഭാവനയുടെ ഗോൾഡൻ വിസാ സ്വീകരണത്തിൽ നിരവധി പേർ സാക്ഷിയായിരുന്നു. സ്‌റ്റൈലിഷ് ലുക്കിലെത്തിയ നടിയുടെ വസ്ത്രധാരണത്തെപ്പറ്റി സമൂഹമാധ്യമങ്ങളിൽ വലിയ ചർച്ചകളും സൈബർ ആക്രമണങ്ങളും ഉടലെടുത്തിരുന്നു. സ്‌കിൻ കളറുള്ള വസ്ത്രം ധരിച്ചതാണ് കാരണം. സംഭവത്തിൽ ഭാവനയെ പിന്തുണച്ചും നിരവധിപേർ രംഗത്തെത്തി. കാണുന്ന ആളുകളുടെ മനസ്സിലാണ് യഥാർഥത്തിൽ പ്രശ്‌നമെന്നും ഇത്തരം വിമർശനങ്ങളെ അവജ്ഞയോടെ തള്ളിക്കളയണമെന്നും ഭാവനയെ പിന്തുണയ്ക്കുന്നവർ പറയുന്നു.