സിനിമയിൽ അഭിനയിക്കാൻ മാത്രമല്ല, പറമ്പിലിറങ്ങി കിളയ്ക്കാനും കൃഷിചെയ്യാനും നടി പത്മപ്രിയയ്ക്ക് അറിയാം. വീടിനരികിൽ കൃഷി ചെയ്യുന്നതിനായി മുണ്ടുമുടുത്ത് തൂമ്പയുമായി ഇറങ്ങിയ താരത്തിന്റെ വീഡിയോ ഏറ്റെടുത്തിരിക്കുകയാണ് സോഷ്യൽ മീഡിയ.

 
 
 
View this post on Instagram

A post shared by Padmapriya Janakiraman (@padmapriya_offl)

വീടിന്റെ പുറകുവശത്ത് കൃഷിത്തോട്ടം ഒരുക്കാനാണ് പത്മപ്രിയ തൂമ്പയുമായി മണ്ണിലിറങ്ങിയത്. ഇത് നല്ലൊരു വ്യായാമം കൂടിയാണെന്നും താരം വീഡിയോയിൽ പറയുന്നു. എന്തായാലും മണ്ണിൽ കിളക്കുന്ന താരത്തിന്റെ വീഡിയോ സോഷ്യൽ മീഡിയ ഏറ്റെടുത്തിരിക്കുകയാണ്.

ഒരിടവേളയ്ക്കു ശേഷം അഭിനയത്തിൽ വീണ്ടും സജീവമാകുകയാണ് പത്മപ്രിയ. ബിജു മേനോൻ നായകനായി എത്തിയ ഒരു തെക്കൻ തല്ലുകേസിലാണ് നടി അവസാനം പ്രത്യക്ഷപ്പെട്ടത്. അഞ്ച് വർഷങ്ങൾക്കു ശേഷം പത്മപ്രിയ അഭിനയിച്ച മലയാളചിത്രം കൂടിയായിരുന്നു ഇത്.