സാഹസിക യാത്രകൾ ഏറെ ഇഷ്ടപ്പെടുന്ന നടനാണ് പ്രണവ് മോഹൻലാൽ. ഒറ്റയ്ക്ക് ലോകം ചുറ്റുന്ന പ്രണവിന്റെ എളിമ കണ്ട് ഇതെന്തൊരു മനുഷ്യനാണെന്ന് ചോദിക്കാത്തവർ ആരും ഉണ്ടാകില്ല. യാത്രകളും സാഹസികതയും ചേർന്നതാണ് പ്രണവ് മോഹൻലാൽ എന്ന മനുഷ്യൻ. വീഴ്ചകളിൽ തളരാതെ വീണ്ടും തന്റെ ശ്രമങ്ങൾ തുടരാനാണ് പ്രണവിന് ഇഷ്ടം. അങ്ങനെയുള്ള ചില പരിശ്രമങ്ങളുടെ വിഡിയോ ആണ് പ്രണവ് സമൂഹമാധ്യമങ്ങളിൽ പങ്കുവച്ചിരിക്കുന്നത്.

 
 
 
View this post on Instagram

A post shared by Pranav Mohanlal (@pranavmohanlal)

റോക്ക് ക്ലൈമ്പിങും സ്‌കേറ്റിങും അടക്കമുള്ള തന്റെ പ്രിയ സാഹസിക വിനോദങ്ങൾ ചേർത്തുള്ള ഒരു റീൽ വിഡിയോയാണ് പ്രണവ് പങ്കുവച്ചിരിക്കുന്നത്. വിജയത്തിലേക്ക് എത്തും മുമ്പേ വീണുപോകുന്ന പരാജിത ശ്രമങ്ങളാണ് വിഡിയോയിൽ കാണാനാകുക.

സമ്പൂർണമായ നിമിഷങ്ങളുടെ ഇടമാണ് ഇൻസ്റ്റഗ്രാം. എന്നാൽ ഇത് അത്ര പെർഫക്റ്റ് അല്ലാത്ത നിമിഷങ്ങളാണെന്നാണ് വിഡിയോയ്ക്ക് നൽകിയ അടിക്കുറിപ്പിൽ പ്രണവ് പറയുന്നു.