'സാരി വെറുമൊരു വസ്ത്രമല്ല, ഭാഷയാണ്'; സാരിയിൽ മനോഹരിയായി മഞ്ജു വാര്യർ; ചിത്രം പങ്കുവച്ച് പ്രിയതാരം; 'ഗംഭീരം' എന്ന് ആരാധകർ

തിരുവനന്തപുരം: മലയാളികളുടെ പ്രിയതാരമാണ് മഞ്ജു വാര്യർ. സമൂഹമാധ്യമങ്ങളിൽ സജീവമായ മഞ്ജു പങ്കുവയ്ക്കുന്ന ഫോട്ടോകൾ ശ്രദ്ധനേടാറുണ്ട്. അത്തരത്തിൽ താരം പങ്കുവച്ച പുതിയ ഫോട്ടോ വൈറലാവുകയാണ്.

സാരിയിൽ മനോഹരി ആയാണ് മഞ്ജു ഫോട്ടോയിൽ പ്രത്യക്ഷപ്പെടുന്നത്. സാരി ഉടുത്ത് പൊണിടെയിലും കെട്ടി സുന്ദരിയായി എത്തിയ മഞ്ജുവിനെ കണ്ട് അതി ഗംഭീരം എന്നാണ് ആരാധകർ പറയുന്നത്. 'സാരി വെറുമൊരു വസ്ത്രമല്ല, ഭാഷയാണ്' എന്നായിരുന്നു ഫോട്ടോയ്ക്ക് നൽകിയ ക്യാപ്ഷൻ. തിരുവനന്തപുരത്ത് ഒരു ഷോറൂമിന്റെ ഉദ്ഘാടനത്തിന് എത്തിയതായിരുന്നു താരം.

'വെള്ളരി പട്ടണം' എന്ന ചിത്രമാണ് മലയാളത്തിൽ മഞ്ജു വാര്യരുടേതായി റിലീസ് കാത്തിരിക്കുന്നത്. സൗബിൻ ഷാഹിറും ചിത്രത്തിൽ പ്രധാന വേഷത്തിൽ എത്തുന്നു. മഹേഷ് വെട്ടിയാർ ആണ് സംവിധാനം. ആക്ഷൻ ഹീറോ ബിജു, അലമാര, മോഹൻലാൽ, കുങ്ഫു മാസ്റ്റർ തുടങ്ങിയ സിനിമകൾക്ക് ശേഷം ഫുൾ ഓൺ സ്റ്റുഡിയോസ് നിർമ്മിക്കുന്ന ചിത്രമാണിത്.