തന്റെ പെൺമക്കളായ മീനാക്ഷിക്കും ഐശ്വര്യയ്ക്കുമൊപ്പമുള്ള ഒരു വിഡിയോ പങ്കുവെച്ചിരിക്കുകയാണ് മലയാളികളുടെ പ്രിയതാരം ദിവ്യ ഉണ്ണി. കുഞ്ഞനുജത്തിക്ക് മെഹന്ദിയണിയിക്കുന്ന ചേച്ചിപ്പെണ്ണിന്റെ വീഡിയോ ആണ് ദിവ്യാ ഉണ്ണി പങ്കുവെച്ചത്. മക്കൾക്കൊപ്പമുള്ള കുഞ്ഞു സന്തോഷങ്ങൾ ആസ്വദിക്കുകയാണ് താരം. മീനാക്ഷി അനുജത്തിക്ക് മെഹന്ദി ഇട്ടു കൊടുക്കുമ്പോൾ അതിനിടയിൽ കുസൃതികൾ ഒപ്പിക്കുകയാണ് ഐശ്വര്യയും അമ്മയും. 'മനസ്സിൽ പ്രായമാകാത്ത കുട്ടിയും മക്കളും'എന്നാണ് ദിവ്യ വിഡിയോയ്ക്ക് അടിക്കുറിപ്പ് നൽകിയിരിക്കുന്നത്.
മക്കൾക്കൊപ്പമുള്ള ദിവ്യ ഉണ്ണിയുടെ ഈ വിഡിയോ സൂപ്പർ ക്യൂട്ടാണെന്നാണ് പലരും കമന്റ് ചെയ്തിരിക്കുന്നത്. 2018 ഫെബ്രുവരിയിലായിരുന്നു ദിവ്യാ ഉണ്ണിയുടേയും എൻജിനീയറായ അരുണിന്റേയും വിവാഹം. 2020 ജനുവരി 14നാണ് ഇവർക്ക് പെൺകുഞ്ഞ് ജനിച്ചു. താനൊരു കുഞ്ഞ് രാജകുമാരിക്കു ജന്മം നൽകിയെന്നും ഐശ്വര്യ എന്നാണ് കുട്ടിയുടെ പേരെന്നും ദിവ്യ ഉണ്ണി സമൂഹമാധ്യമത്തിലൂടെ അറിയിച്ചത്. മീനാക്ഷിയും ഐശ്വര്യയും കൂടാതെ അർജുൻ എന്ന മകനുമുണ്ട് താരത്തിന്.
