ഇരട്ടക്കുട്ടികളുമായി മുംബൈ വിമാനത്താവളത്തിലെത്തിയ നയൻതാരയുടെയും വിഘ്‌നേശ് ശിവന്റെയും വിഡിയോ സമൂഹമാധ്യമങ്ങളിൽ വൈറലാകുന്നു. കുഞ്ഞിനെ ചേർത്തുപിടിച്ച നയൻതാരയും വിഘ്‌നേഷും അവരുടെ മുഖം ക്യാമറകളിൽ നിന്നും മറച്ചുപിടിച്ചാണ് കടന്നുപോയത്. ഇതിന്റെ വീഡിയോ സോഷ്യൽ മീഡിയയിൽ വൈറലാണ്. ഉയിരിനും ഉലകത്തിനുമൊപ്പം സിനിമാ ഷൂട്ടിങുമായി ബന്ധപ്പെട്ട് മുംബൈ വിമാനത്താവളത്തിൽ എത്തിയതായിരുന്നു ഇരുവരും.

 
 
 
View this post on Instagram

A post shared by Instant Bollywood (@instantbollywood)

ഷാരുഖ് ഖാൻ നായകനാകുന്ന ജവാൻ സിനിമയുടെ ചിത്രീകരണവുമായി ബന്ധപ്പെട്ട് മുംബൈയിൽ എത്തിയതായിരുന്നു നയൻസ്. മുംബൈയിൽ നിന്നും ചെന്നൈയ്ക്കു മടങ്ങുന്നതിനായാണ് മുംബൈ വിമാനത്താവളത്തിൽ ഇവർ എത്തിയത്. അറ്റ്‌ലീ സംവിധാനം ചെയ്യുന്ന ചിത്രത്തിൽ നയൻതാരയാണ് നായികയായി എത്തുന്നത്. വിജയ് സേതുപതി വില്ലൻ വേഷത്തിലെത്തുന്നു. അനിരുദ്ധ് ആണ് സംഗീതം.