യൂണിഫോമിട്ട് പരീക്ഷയ്യ്ക്ക് പോകാൻ തയ്യാറെടുക്കുന്ന ചിത്രം പങ്കുവെച്ച് ബാലതാരവും അവതാരകയുമായ മീനാക്ഷി അനൂപ്. പരീക്ഷാച്ചൂടിലാണ് എന്ന് സൂചിപ്പിച്ചുകൊണ്ട് സ്‌കൂൾ യൂണിഫോമിൽ നിൽക്കുന്ന ചിത്രവും താരം സോഷ്യൽ മീഡിയയിൽ പങ്കുവച്ചു.
''വേനൽ ചൂടിൽ നിന്ന് പരീക്ഷാ ചൂടിലേക്ക് ഒരു പാവം പെൺകുട്ടി.''സ്‌കൂളിലേക്ക് പരീക്ഷ എഴുതാൻ യാത്രയാകുന്ന ചിത്രം പങ്കുവച്ച് മീനാക്ഷി കുറിച്ചു. അനൂപ് രമ്യ ദമ്പതികളുടെ മകളായ മീനാക്ഷി, കോട്ടയം സ്വദേശിയാണ്. അനുനയ അനൂപ് എന്നാണ് യഥാർഥ പേര്. കോട്ടയത്തുള്ള കിടങ്ങൂർ എൻഎസ്എസ് ഹൈസ്‌കൂളിൽ പഠിക്കുന്ന മീനാക്ഷിക്ക് ആരിഷ്, ആദർശ് എന്നീ സഹോദരങ്ങളുമുണ്ട്.
എസ്എസ്എൽസി പരീക്ഷയിൽ മികച്ച വിജയംകൈവരിച്ച മീനാക്ഷി അനൂപ് ഒൻപത് വിഷയങ്ങൾക്കും എ പ്ലസ് നേടിയിരുന്നു. അഭിനയത്തിലും അവതരണത്തിലും കഴിവ് തെളിയിച്ച താരമാണ് മീനാക്ഷി അനൂപ്. ബാലതാരമായി സിനിമയിലെത്തിയ മീനാക്ഷി അനൂപിന് ഏറെ ആരാധകരുണ്ട്. ഒപ്പം, മറുപടി, ക്വീൻ, ആന മയിൽ ഒട്ടകം, വൺ ബൈ ടു, ഒരു മുത്തശ്ശി ഗദ, പോളേട്ടന്റെ വീട്, അമർ അക്‌ബർ അന്തോണി തുടങ്ങി മുപ്പതോളം ചിത്രങ്ങളിൽ അഭിനയിച്ചിട്ടുണ്ട്.
