ബെംഗളൂരു: ഡെലിവറി ബോയിയുടെ സ്‌കൂട്ടറിന്റെ പിന്നിലിരുന്ന് ഹോട്ടലിലേക്ക് സഞ്ചരിക്കുന്ന കോൺഗ്രസ് നേതാവ് രാഹുൽ ഗാന്ധിയുടെ വീഡിയോ സോഷ്യൽ മീഡിയയിൽ വൈറലാകുന്നു. കർണാടക നിയമസഭാ തിരഞ്ഞെടുപ്പ് പ്രചാരണത്തിനായി ഞായറാഴ്ച ബെംഗളൂരുവിലെത്തിയതായിരുന്നു രാഹുൽ. തെരഞ്ഞെടുപ്പ് പ്രചരണത്തിന് ശേഷം താമസിക്കുന്ന ഹോട്ടലിലേക്ക് ഡെലിവറി ബോയ്ക്കൊപ്പം സ്‌കൂട്ടറിൽ സഞ്ചരിക്കുന്നതാണ് വിഡിയോ.

ഡെലിവറി ബോയിയുടെ സ്‌കൂട്ടറിൽ രണ്ടു കിലോമീറ്ററോളം സഞ്ചരിച്ചാണ് രാഹുൽ ബെംഗളൂരുവിലെ ഹോട്ടലിൽ എത്തിയത്. ഹെൽമറ്റ് ധരിച്ച്, സ്‌കൂട്ടറിന്റെ പിൻസീറ്റിലിരുന്ന് രാഹുൽ ഗാന്ധി സഞ്ചരിക്കുന്നതാണ് വിഡിയോയിലുള്ളത്. എന്തായാലും ഈ വീഡിയോ സോഷ്യൽ മീഡിയയിൽ സൂപ്പർ ഹിറ്റായിരിക്കുകയാണ്. രാഹുലിന്റെ ആരാധകർ വീഡിയോ ഏറ്റെടുത്തു.

നിയമസഭാ തിരഞ്ഞെടുപ്പിനു മൂന്നു ദിവസം മാത്രം ബാക്കിനിൽക്കെ, കർണാടകയിൽ എല്ലാ പാർട്ടികളുടെയും പ്രചാരണം അവസാന ഘട്ടത്തിലാണ്. പ്രധാനമന്ത്രി നരേന്ദ്ര മോദി ഞായറാഴ്ച നഗരത്തിൽ മെഗാ റോഡ് ഷോ നടത്തി. റോഡിന്റെ ഇരുവശങ്ങളിലും അണിനിരന്ന ആവേശഭരിതരായ ജനക്കൂട്ടത്തെ അദ്ദേഹം അഭിവാദ്യം ചെയ്തു. ശനിയാഴ്ച അദ്ദേഹം നഗരത്തിൽ ഏകദേശം 13 മണ്ഡലങ്ങളിലൂടെ 26 കിലോമീറ്റർ റോഡ് ഷോ നടത്തിയിരുന്നു. 

രാഹുൽ ഗാന്ധി