കൊടുവള്ളി:ഇഷ്ട താരങ്ങൾക്കൊപ്പം സെൽഫിയെടുക്കുന്ന പല വീഡിയോകളും നാം കണ്ടിട്ടുണ്ട്.എന്നാൽ നടി നിത്യാ ദാസിനൊപ്പമുള്ള ആരാധിക സെൽഫി പകർത്തുന്ന ഒരു വീഡിയോയാണ് ഇപ്പോൾ സമൂഹമാധ്യമങ്ങളിൽ വൈറലായിരിക്കുന്നത്.പ്രിയപ്പെട്ട നടിയെ കണ്ട് ഫോട്ടോ എടുക്കുന്നതിനിടെ മുടിയിൽ തീപിടിച്ചതുപോലും അറിയാതെ പോയ ഒരു സ്ത്രീയുടെ വിഡിയോ ആണത്. നടി നിത്യ ദാസിനൊപ്പം ഫോട്ടോ എടുത്ത ആരാധികയുടെ മുടിയിലാണ് തീ പിടിച്ചത്.മുടി കത്തുന്നത് പെട്ടന്നു തന്നെ നിത്യ കണ്ടതോടെ ഒഴിവായത് വലിയ അപകടമാണ്.

കൊടുവള്ളിയിൽ ഒരു ബ്യൂട്ടിപാർലർ ഉദ്ഘാടനത്തിന് വേണ്ടി എത്തിയതായിരുന്നു നിത്യ ദാസ്.നടൻ മാമൂക്കോയയ്ക്കൊപ്പമാണ് നിത്യ ചടങ്ങിൽ പങ്കെടുത്തത്. ഉദ്ഘാടനത്തിന് ശേഷം എല്ലാവരും നിത്യയെ പരിചയപ്പെടുന്നതിന്റെയും സെൽഫിയും ഫോട്ടോയും എടുക്കുന്നതിന്റെയും തിരക്കിലായിരുന്നു. നിത്യയ്ക്കൊപ്പം നിന്ന് ഫോട്ടോ എടുക്കാനായി എത്തിയ രണ്ട് സ്ത്രീകൾ ആദ്യം സെൽഫി എടുത്തു.അതിന് ശേഷം ഫോട്ടോയ്ക്ക് പോസ് കൊടുത്തു നിൽക്കവെ പിന്നിൽ കത്തിച്ചുവച്ച മെഴുകുതിരിയിൽ നിന്നും തീ മുടിയിലേക്ക് പടരുകയായിരുന്നു.തീ മുടിയിൽ നന്നായി കത്തി തുടങ്ങിയപ്പോൾ നിത്യ ദാസ് കണ്ടു.നടി പേടിച്ച് കൂവി വിളിച്ചപ്പോഴാണ് മറ്റുള്ളവരും അത് ശ്രദ്ധിച്ചത്.

പെട്ടെന്ന് അണച്ചത് കാരണം വലിയ അപകടം ഉണ്ടായില്ല.''സാരിയിൽ തീ പിടിക്കാത്തത് തന്നെ ഭാഗ്യം.പെട്ടെന്ന് താൻ പേടിച്ചു പോയി'' എന്ന് നിത്യ ദാസ് പിന്നീട് പറയുന്നതും വിഡിയോയിൽ വ്യക്തമാണ്.തക്കസമയത്തു തന്നെ നിത്യ അത് കണ്ട് പ്രതികരിച്ചതു കാരണം ഒഴിവായത് വലിയ ദുരന്തം തന്നെയാണ്.അപകടത്തിന് ശേഷം ഭയപ്പെട്ട് അവിടെ നിന്നും മാറി നിന്ന നിത്യ തിരിഞ്ഞു നോക്കി അവരോട് ഫോട്ടോ എടുത്തോ എന്ന് ചോദിക്കുന്നുണ്ട്.ഇല്ല എന്ന് പറഞ്ഞപ്പോൾ ഫോട്ടോ എടുക്കാം എന്ന് പറഞ്ഞ് സമാധാനിപ്പിച്ച് അവരെ വിളിക്കുന്നതും വിഡിയോയിൽ കാണാം.

പേടിച്ചുപോയ അവരെ സമാധാനിപ്പിച്ച ശേഷം ഒന്നിച്ച് ഫോട്ടോ എടുത്ത് കുശലം പറയാനും നിത്യ മറന്നില്ല.നിത്യയുടെ പ്രവർത്തിയെ അഭിനന്ദിച്ച് നിരവധിപ്പേരാണ് വിഡിയോയിൽ കമന്റുമായെത്തിയത്.

മറുനാടന്‍ മലയാളി

    മറുനാടന്‍ മലയാളി ബ്യൂറോ