വർഷങ്ങൾക്ക് ശേഷം കുഞ്ചാക്കോ ബോബനും ജയസൂര്യയും ഒന്നിക്കുന്നു; 'എന്താടാ സജി' സിനിമയുടെ ടീസർ പുറത്ത്
തിരുവനന്തപുരം: ജയസൂര്യയും കുഞ്ചാക്കോ ബോബനും വീണ്ടും ഒന്നിക്കുന്ന സിനിമയുടെ ടീസർപുറത്തിറങ്ങി. 'എന്താടാ സജി' എന്നു പേരിട്ടിരിക്കുന്ന സിനിമയുടെ ടീസറാണ് പുറത്തിങ്ങിയത്. നവാഗതനായ ഗോഡ്ഫി സേവ്യർ ബാബു രചനയും സംവിധാനവും നിർവഹിക്കുന്ന ചിത്രം മാജിക് ഫ്രെയിംസിന്റെ ബാനറിൽ ലിസ്റ്റിൻ സ്റ്റീഫനാണ് നിർമ്മിക്കുന്നത്. നിവേദ തോമസ് നായികയായി എത്തുന്നു ചിത്രം ഒരു ഫാമിലി കോമഡി എന്റർടെയ്‌നറാണ്. നീണ്ട ഇടവേളയ്ക്ക് ശേഷം കുഞ്ചാക്കോ ബോബനും, ജയസൂര്യയും ഒരുമിക്കുന്നു എന്ന പ്രത്യേകതയും ഈ ചിത്രത്തിനുണ്ട്. ഇരുവരും ഒന്നിച്ച നിരവധി മികച്ച ചിത്രങ്ങൾ മലയാള സിനിമയിലുണ്ട്.
