വൈക്കം മുഹമ്മദ് ബഷീറിനും ടൊവിനോ തോമസിനും ഇന്ന് പിറന്നാൾ; കഥാകാരന് തന്റെ ക്യാരക്ടർ പോസ്റ്റിലൂടെ ആദരവുമായി നടൻ; നീലവെളിച്ചത്തിലെ ടോവിനോയുടെ ക്യാരക്ടർ പോസ്റ്റർ പുറത്ത്

തിരുവനന്തപുരം: വൈക്കം മുഹമ്മദ് ബഷീറിന്റെ 115-ാം ജന്മവാർഷികദിനമാണ് ഇന്ന്.ഇന്ന് തന്നെയാണ് മലയാളത്തിലെ യുവനടൻ ടൊവിനോ തോമസിന്റെയും ജന്മദിനം.കഥാകാരന്റെ ജന്മദിനത്തിൽ തന്റെ ക്യാരക്ടർ പോസ്റ്റിലൂടെ ആദരവുമായി എത്തിയിരിക്കുകയാണ് നടൻ.ബഷീറിന്റെ ശ്രദ്ധേയമായ കൃതി നീലവെളിച്ചത്തെ ആസ്പദമാക്കി അതേ പേരിൽ ആഷിഖ് അബു സംവിധാനം ചെയ്യുന്ന ചിത്രത്തിലെ ടോവിനോയുടെ ക്യാരക്ടർ പോസ്റ്ററാണ് ഇന്ന് പുറത്തിറങ്ങിയത്.

 

ബഷീർ തന്നെ തിരക്കഥ രചിച്ച് 1964 ലിൽ പുറത്തിറങ്ങിയ ഭാർഗ്ഗവീനിലയം എന്ന മലയാളത്തിലെ ആദ്യത്തെ ഹൊറർ ചിത്രവും നീലവെളിച്ചം എന്ന കൃതിയോട് ചേർന്നുനിൽക്കുന്നതായിരുന്നു.റോഷൻ മാത്യു, റിമ കല്ലിങ്കൽ, ഷൈൻ ടോം ചാക്കോ എന്നിവരാണ് മറ്റുപ്രധാന വേഷങ്ങളിലെത്തുന്നത്.

എം എസ് ബാബുരാജ് - പി ഭാസ്‌കരൻ കൂട്ടുകെട്ടിൽ പിറന്ന അനശ്വരമായ ഗാനങ്ങളുള്ള ചിത്രത്തിലെ 'അനുരാഗ മധുചഷകം' എന്ന എസ് ജാനകി ആലപിച്ച ജനപ്രിയ ഗാനത്തിന്റെ പുനരാവിഷ്‌കാരം രണ്ടുദിവസം മുമ്പ് പുറത്തിറങ്ങിയിരുന്നു. കെ.എസ്. ചിത്ര ആലപിച്ച ഗാനത്തിന് വൻ വരവേല്പാണ് ലഭിച്ചത്.

1964-ലായിരുന്നു നീലവെളിച്ചം എന്ന കഥയെ അടിസ്ഥാനമാക്കി വൈക്കം മുഹമ്മദ് ബഷീർ തന്നെ തിരക്കഥ എഴുതി ഭാർഗ്ഗവീനിലയം എന്ന സിനിമ പുറത്തുവന്നത്. എ.വിൻസെന്റ് ആയിരുന്നു ചിത്രം സംവിധാനം ചെയ്തത്. മധു, പ്രേംനസീർ, വിജയനിർമ്മല, പി.ജെ ആന്റണി എന്നിവർ അവിസ്മരണീയമാക്കിയ കഥാപാത്രങ്ങളെയാണ് യഥാക്രമം ടോവിനോ തോമസ്, റോഷൻ മാത്യൂ, റിമ കല്ലിങ്കൽ, ഷൈൻ ടോം ചാക്കോ എന്നിവർ അവതരിപ്പിക്കുന്നത്.

മലയാളത്തിന്റെ പ്രിയതാരം കുതിരവട്ടം പപ്പു ആദ്യമായി അഭിനയിച്ച ചിത്രം കൂടിയാണ് ഭാർഗവിനിലയം. ഭാർഗവീനിലയത്തിലെ കുതിരവട്ടം പപ്പുവിന്റെ കഥാപാത്രത്തെ നീലവെളിച്ചത്തിൽ രാജേഷ് മാധവനാണ് അവതരിപ്പിക്കുന്നത്.ഒ.പി.എം സിനിമാസിന്റെ ബാനറിൽ ആഷിഖ് അബു, റിമ കല്ലിങ്കൽ എന്നിവരാണ് നീലവെളിച്ചം നിർമ്മിക്കുന്നത്. ഋഷികേശ് ഭാസ്‌ക്കരനാണ് ചിത്രത്തിന്റെ അധികതിരക്കഥ എഴുതിയിരിക്കുന്നത്. സജിൻ അലി പുലാൽ അബ്ബാസ്പുതുപ്പറമ്പിൽ എന്നിവരാണ് സഹനിർമ്മാതാക്കൾ.

ചെമ്പൻ വിനോദ് ജോസ്, ജെയിംസ് ഏലിയാസ്, ജയരാജ് കോഴിക്കോട്, ഉമാ കെ. പി, അഭിറാം രാധാകൃഷ്ണൻ, രഞ്ജി കങ്കോൽ, ജിതിൻ പുത്തഞ്ചേരി, നിസ്തർ സേട്ട്, പ്രമോദ് വെളിയനാട്, തസ്‌നീം, പൂജ മോഹൻ രാജ്, ദേവകി ഭാഗി, ഇന്ത്യൻ എന്നിവരാണ് മറ്റ് കഥാപാത്രങ്ങളെ അവതരിപ്പിച്ചിരിക്കുന്നത്.

ഗിരീഷ് ഗംഗാധരൻ ഛായാഗ്രഹണം നിർവ്വഹിക്കുന്ന നീലവെളിച്ചത്തിന്റെ എഡിറ്റിങ് വി. സാജനാണ്. പ്രൊഡക്ഷൻ കൺട്രോളർ -ബെന്നി കട്ടപ്പന, കല- ജ്യോതിഷ് ശങ്കർ. മേക്കപ്പ്-റോണക്‌സ് സേവ്യർ, വസ്ത്രാലങ്കാരം- സമീറ സനീഷ്. ശബ്ദ മിശ്രണം വിഷ്ണു ഗോവിന്ദ്, സൗണ്ട് ഡിസൈൻ വിഷ്ണു ഗോവിന്ദ്, നിക്‌സൺ ജോർജ്. സഹസംവിധാനം ഹരീഷ് തെക്കേപ്പാട്ട്, ബിബിൻ രവീന്ദ്രൻ. സംഘട്ടനം സുപ്രീം സുന്ദർ, നൃത്ത സംവിധാനം ഡോ. ശ്രീജിത്ത് ഡാൻസിറ്റി. പി.ആർ.ഒ.- എ.എസ്. ദിനേശ്, ആതിര ദിൽജിത്ത്. പരസ്യകല യെല്ലോ ടൂത്ത്.