'പേരൻപ്' എന്ന ചിത്രത്തിലൂടെ ശ്രദ്ധേയനായ റാമിന്റെ സംവിധാനത്തിൽ നിവിൻ പോളി നായകനാകുകയാണ്. 'യേഴ് കടൽ യേഴ് മലൈ' എന്നാണ് ചിത്രത്തിന്റെ പേര്. ചിത്രത്തിന്റെ പ്രഖ്യാപനം തന്നെ ഓൺലൈനിൽ തരംഗമായിരുന്നു. 'യേഴ് കടൽ യേഴ് മലൈ'യിലെ നായികയുടെ ഫസ്റ്റ് ലുക്ക് പുറത്തുവിട്ടിരിക്കുകയാണ്.

അഞ്ജലിയാണ് ചിത്രത്തിൽ നായികയായി അഭിനയിക്കുന്നത്. നിവിൻ പോളിയടക്കമുള്ളവർ ചിത്രത്തിന്റെ ഫസ്റ്റ് ലുക്ക് പങ്കുവെച്ചിട്ടുണ്ട്. എൻ കെ ഏകാംബരം ആണ് ചിത്രത്തിന്റെ ഛായാഗ്രാഹണം നിർവഹിക്കുന്നത്. മതി വി എസ് ആണ് ചിത്രത്തിന്റെ ചിത്രസംയോജനം.

 


സുരേഷ് കാമാച്ചിയാണ് ചിത്രം നിർമ്മിക്കുന്നത്. സ്റ്റണ്ട് സിൽവയാണ് ആക്ഷൻ കൊറിയോഗ്രാഫി. യുവൻ ശങ്കർ രാജയാണ് സംഗീത സംവിധാനം. പ്രൊഡക്ഷൻ ഡിസൈൻ ഉമേഷ് ജെ കുമാർ.

മറുനാടന്‍ മലയാളി

    മറുനാടന്‍ മലയാളി ബ്യൂറോ