ക്രീസിലെ തകർപ്പൻ പ്രകടനങ്ങളിൽ നിന്നും വിരമിച്ചെങ്കിലും സോഷ്യൽ മീഡിയായിൽ വീരേന്ദർ സേവാഗിന്റെ മാസ്റ്റർ സ്‌ട്രോക്കുകൾക്ക് പഴയ ആവേശം തന്നെയാണ്. പലപ്പോഴും വീരുവിന്റെ പോസ്റ്റുകൾ വൈറലാവുകയും ചെയ്തിട്ടുണ്ട്. ഇത്തവണ ക്രിക്കറ്റ് ഇതിഹാസം സച്ചിൻ ടെണ്ടുൽക്കർക്ക് പിറന്നാൾ ആശംസിച്ചു കൊണ്ടുള്ള ട്വീറ്റിലും തകർപ്പൻ പ്രകടനമാണ് വീരു ആവർത്തിച്ചത്.

വിമാനയാത്രയ്ക്കിടെ ഉറങ്ങുന്ന സച്ചിന് സമീപം ഇരിക്കുന്ന ചിത്രം സഹിതമാണ് പിറന്നാൾ ആശംസ നേർന്നുകൊണ്ടുള്ള വീരുവിന്റെ ട്വീറ്റ്.

 

ട്വീറ്റിലെ വരികൾ ഇങ്ങനെ-

ഒരാൾ കുറ്റകൃത്യം ചെയ്തേക്കാവുന്ന അപൂർവ്വ സന്ദർഭം, ഗോഡ് ജി ഉറങ്ങുന്നു.

ഇന്ത്യയിലെ സമയ ചക്രത്തെ പിടിച്ചുനിൽത്താൻ കെൽപ്പുള്ള മനുഷ്യന് പിറന്നാൾ ആശംസ നേരുന്നു.

 

 

 

വീരുവിന്റെ ട്വീറ്റ് ആരാധകർക്കും ഏറെയിഷ്ടമായി. ഇപ്പോൾ ഈ സന്ദേശം റീട്വീറ്റ് ചെയ്യുന്ന തിരക്കിലാണ് ആരാധകർ.