എം.ഇ.എസ് കുവൈത്ത് സംഘടിപ്പിച്ച ഓൺലൈൻ സെമിനാർ ശ്രദ്ധേയമായി

കുവൈത്ത് സിറ്റി: എം.ഇ.എസ് കുവൈത്ത് ചാപ്റ്ററിന്റെ ആഭിമുഖ്യത്തിൽ കുട്ടികൾക്കായി സെമിനാർ സംഘടിപ്പിച്ചു.മോട്ടിവേഷൻ ക്ലാസ്സുകളിലൂടെ ശ്രദ്ധേയനായ ട്രെയിനർ അൻവർ മൻസൂർ സൈത് ക്ളാസ്സിനു നേതൃത്വം നൽകി. 'നീട്ടിവെക്കൽ നിർത്തുക ഇത് പ്രവർത്തന സമയമാണ് 'എന്ന വിഷയത്തിൽ സംഘടിപ്പിച്ച ഓൺലൈൻ പരിപാടിയിൽ കുവൈറ്റിലെ വിവിധ സ്‌കൂളിൽ പഠിക്കുന്ന 6 മുതൽ 12 ക്ലാസ് വരെയുള്ള കുട്ടികൾ പങ്കെടുത്തു. എഡ്യൂക്കേഷൻ കൺവീനർ നെസ്ലിൻ നൂറുദ്ദീൻ, സഹീർ, റമീസ്, ഗഫൂർ, റഹീസ്, ഉമ്മു ഹാനി, മെഹ്നാസ് മുസ്തഫ എന്നിവർ പരിപാടികൾ നിയന്ത്രിച്ചു.