മലപ്പുറം: ബാലാവകാശ വാരാഘോഷവുമായി ബന്ധപ്പെട്ട് മാധ്യമപ്രവർത്തകർക്ക് നവംബർ 18ന് രാവിലെ 10.30ന് 'ബാലസംരക്ഷണം മാധ്യമപ്രവർത്തകരുടെ പങ്ക്' എന്ന വിഷയത്തിൽ മലപ്പുറം പ്രസ് ക്ലബിൽ ശിൽപശാല സംഘടിപ്പിക്കുന്നു. സംസ്ഥാന ബാലാവകാശ സംരക്ഷണ കമ്മീഷൻ, ജില്ലാ നിയമ സേവന അഥോറിറ്റി, ജില്ലാ ചൈൽഡ് പ്രൊട്ടക്ഷൻ യൂണിറ്റ് എന്നിവരുടെ ആഭിമുഖ്യത്തിൽ പ്രസ്‌ക്ലബുമായി സഹകരിച്ചാണ് ശിൽപശാല. സബ് ജഡ്ജ്, മഞ്ചേരി ഡി.എൽ.എസ്.എ സെക്രട്ടറി കെ. നൗഷാദലി ശിൽപശാല ഉദ്ഘാടനം ചെയ്യും. സംസ്ഥാന ബാലാവകാശ സംരക്ഷണ കമ്മീഷൻ അംഗം സി. വിജയകുമാർ അധ്യക്ഷനാവും. ജില്ലാ വനിത ശിശുവികസന ഓഫീസർ എ.എ ഷറഫുദീൻ മുഖ്യപ്രഭാഷണം നടത്തും. സബ്ജഡ്ജ്, കോഴിക്കോട് ഡി.എൽ.എസ്.എ സെക്രട്ടറി എംപി ഷൈജൽ മുഖ്യപ്രഭാഷണം നടത്തും. ജില്ലാ ഇൻഫർമേഷൻ ഓഫീസർ പി. റഷീദ്ബാബു, ജില്ലാ ചൈൽഡ് പ്രൊട്ടക്ഷൻ ഓഫീസർ ഗീതാഞ്ജലി, പ്രസ് ക്ലബ് പ്രസിഡന്റ് ശംസുദ്ധീൻ മുബാറക്, സെക്രട്ടറി കെ.പി.എം റിയാസ്, ചൈൽഡ് ലൈൻ നോഡൽ കോർഡിനേറ്റർ സി.പി സലീം എന്നിവർ പങ്കെടുക്കും.