പ്രവാസ ജീവിതം അവസാനിപ്പിച്ച് നാട്ടിലേക്ക് മടങ്ങുന്ന പ്രവർത്തകർക്ക് കേളി യാത്രയയപ്പ് നൽകി

റിയാദ്: പ്രവാസ ജീവിതം അവസാനിപ്പിച്ച് നാട്ടിലേക്ക് മടങ്ങുന്ന കേളി കലാസാംസ്‌കാരിക വേദി ന്യൂ സനയ്യ ഏരിയ ലാസറുദ്ദി യൂണിറ്റ് എക്‌സിക്യൂട്ടീവ് അംഗങ്ങളായ സാംസാബു, ജഹഫർ എന്നിവർക്ക് യൂണിറ്റിന്റെ നേതൃത്വത്തിൽ യാത്രയയപ്പ് നൽകി. അൽ മൻഹാൽ കുടിവെള്ള കമ്പനിയിലെ സെയിൽസ്മാന്മാരായ രണ്ടുപേരും രണ്ടുവർഷമായി കേളിയിലെ അംഗങ്ങളാണ്. സാം സാബു ഇടുക്കി ജില്ല, തൊടുപുഴ സ്വദേശിയും , ജഹഫർ മലപ്പുറം ജില്ല, താനൂർ സ്വദേശിയുമാണ്.

യൂണിറ്റ് പരിധിയിൽ ചേർന്ന യാത്രയയപ്പ് യോഗത്തിൽ യൂണിറ്റ് പ്രസിഡന്റ് രാജേഷ് അധ്യക്ഷത വഹിച്ചു. ന്യൂ സനയ്യ ബ്രാഞ്ച് സെക്രട്ടറി മനോഹരൻ, ഏരിയ സെക്രട്ടറി ബേബി കുട്ടി, രക്ഷാധികാരി അംഗം ഹുസൈൻ മണക്കാട്, യൂണിറ്റ് അംഗങ്ങളായ ഷമൽ രാജ്, സതീഷ് കുമാർ എന്നിവർ ആശംസകൾ നേർന്ന് സംസരിച്ചു. സെക്രട്ടറി നിസാർ മണ്ണഞ്ചേരി, ജോ:സെക്രട്ടറി ഷൈജു ചാലോട്, എന്നിവർ യാത്ര പോകുന്ന ജഹഫറിനും സാംസാബുവിനും യൂണിറ്റിന്റെ ഉപഹാരം കൈമാറി.